Ky streamer luan Modern Warfare me një set baterie

Për shumicën prej nesh metoda që zgjedhim për të luajtur një lojë FPS është ose një gamepad ose një mouse dhe tastierë. Qartazi nuk jemi aq kreativë sa duhet, pasi ka disa njerëz që po pyesin veten: “A duhet të luaj Modern Warfare me një set baterie sot?”

Streameri DeanoBeano ka tentuar këtë sfidë, duke vendosur setin e tij të baterive kundër lojtarëve të Modern Warfare dhe Warzone. Mund ta shikoni eksperiementin e tij në kanalin e Twitch, ku ai arrin të kapi një kill që në ndeshjen e parë. Ai gjithashtu vdes shpesh, por jo më shumë se ç’do vdisnim ne me një controller normal.

Ai gjithashtu ka postuar disa highlights në Reddit, përfshirë këtu sniper killin më të mirë. Përdorimi i baterive gjithashtu shton pak më shumë dramë dhe tension në këto goditje.

Kishte disa gjëra të tjera që ai donte të tentonte gjatë këtij streami, përfshirë këtu një kill në Gulag, diçka që ai ja doli ta bënte që në tentativën e parë. Çdo gjë ishte perfekte.

Pra është e mundur të luash Modern Warfare me një set baterie. Jemi kuriozë të dimë se cili është instrumenti më i mirë për të përdorur si një controller. Qartazi ka akoma eksperiemente për të bërë.