Konfirmohet se Dr Disrespect nuk do i bashkohet YouTube

Ka ende plot pyetje që rrethojnë zhdukjen e papritur të Dr Disrespect nga Twitch në 26 qershor, si përshembull cila do të jetë lëvizja e tij e rradhës? Sipas një burimi të brendshëm, mund të përjashtojmë një mundësi. Ai nuk do i bashkohet YouTube.

Thashethemet kanë qarkulluar prej javësh tashmë për arsyen pse ai u bë ban. Shumë njerëz kanë menduar se ai mund të kalojë në YouTube. Kjo pasi ai vuri URL e kanalit të tij në YouTube në bion e Twitterit së fundmi.

Gjithsesi, raportohet se Dr Disrespect nuk do i bashkohet YouTube dhe asnjë lloj marrëveshjeje ekskluziviteti. Kjo sipas Rod ‘Slasher‘ Breslau, që doli për situatën e Doc gjatë një transmetimi në Twitch me Hasan Piker.

“Askush nuk po flet me Dr Disrespect. YouTube nuk është duke folur me Dr Disrespect. Mund të konfirmoj se ky diskutim nuk ka ndodhur,” tha Breslau. Ai gjithashtu shtoi se ka dëgjuar se YouTube ndjehet në një pozicion mjaft të mirë për momentin me ata njerëz që ka bërë kontrata.

Breslau gjithashtu konfirmoi se zhdukja e Doc nuk është me qëllim për të ndërruar platformën. Përkundrazi është një ban që lidhet me “elementë të rëndë kriminale”. Kjo sipas fjalëve të Piker, por momentalisht nuk është gjetur asnjë dosje kriminale për Herschel Beahm.

Fatkeqësisht, përjashtimi i një platforme nuk na afron ndopak me zgjidhjen e misterit të situatës së Doc. Vetë ai ka qenë i heshtur gjatë dy javëve të fundit, me TimTheTatman që ka thenë se nuk ka dëgjuar gjë prej tij.

Për momentin fansat thjesht duhet të durojnë pak. Historia e ban-it të Dr Disrespect nuk duket se do të marrë fund së shpejti. Kjo është dita e 18 që ende nuk kemi dëgjuar lajme nga Beahm ose ndonjë lloj informacioni që mund ta shpjegojë situatën. Le të shpresojmë se do të zbulojmë diçka së shpejti.