King Gothalion largohet nga Twitch dhe drejtohet në Mixer

Një tjetër streamer i madh është duke u shkëputur nga Twitch, për tu drejtuar në platformën streaming të Microsoft, Mixer. Cory ‘KingGothalion’ Michael, i njohur kryesisht për streame të lojës Destiny, njoftoi se që nga data 29 tetor, do të bënte stream ekskluzivisht në Mixer.

KingGothalion ka mbi një milion ndjekës në Twitch dhe është një nga themeluesit e Guardian Con, një event i përvitshëm i Destiny që mbahet çdo verë në Orlando, Florida.

“U ula duke menduar se ky do të ishte një vendim i vështirë, por në fakt ishte diçka shumë e thjeshtë,” tha ai në një klip që postoi në Twitter. “Besoj se të punuarit më afër me Microsoft dhe Xbox, jo vetëm që do të na ndihmojë të perfeksionohemi në atë që po bëjmë, por edhe do të japë drejtim në atë që ka qenë e rëndësishme për kanalin, pra të përmirësojmë gaming.”

“Thjesht bënte kuptim që të kisha një bashkëpunim të tillë, ku më mundësohet potenciali i të paturit të mbështetjes të një nga emrave më të mëdhenj në gaming, Xbox.”

Gothalion tashmë i bashkohet Ninja dhe Shroud në transferimin nga Twitch në Mixer.

“E di se disa prej jush mund të mos jenë dakord me këtë lëvizje që në fillim, por dua që të dini se ende do ta dëgjoni opinionin tim në platformat e tjera, ndaj gjërat nuk do të ndryshojnë edhe aq shumë.”

Gothalion filloi të bënte stream në Twitch në 2013 dhe ju bashkuar Ben ‘ProfessorBroman’ Bowman dhe Kevinxvision  në themelimin e GuardianCon në 2015n, që mbledh para për institucionin e St. Jude’s Children’s Research Hospital.