Ninja, Dr Lupo etj i kundërvihen Joe Rogan, pasi ai quajti videolojërat problem

Në një episod të Joe Rogan Experience, Rogan i përshkroi videolojërat si një “humbje kohe” sepse ato janë argëtuese, por jo aq fitimprurëse sa hobi të tjera. Kjo ka sjellë mjaftueshëm kontradita në internet, duke sjellë reagime të shumta nga fansat dhe lojtarët pro të komunitetit të gaming.

Shumë nga reagimet kanë lënë të kuptohet se ka një të vërtetë në atë që Joe Rogan po thotë, por për shumë të tjerë fjalët e tij nuk bënin sens.

Sado që është e vërtetë që çdo gjë me tepri është e dëmshme, të quash gaming harxhim kohe në krahasim me artet marciale, ishte diçka që u vu në pikëpyetje. Kontradita në ato që ai tha u vu në dukje nga HasanAbi, që tha se gaming mund të të bëjë një streamer në Twitch ose të të fusë në një organizatë të esports. Më tej, Dr Lupo, një nga streamerat më të suksesshëm ju bashkua opinionit se deklarata e Rogan, duket shumë e përgjithshme.

Shumë personalitete të tjera mbështetën argumentin e Dr Lupo për miqësitë që krijohen në videolojëra, një avantazh i përfitimeve jo monetare që sjell gaming.

Sado që shumë u ankuan për faktin që analiza e Rogan i mbështetet argumentat shumë në anën financiare, lojtarët e esports u futën për të shpjeguar që gaming mund të jetë shumë fitimprurëse edhe në këtë aspekt.

Ninja pastaj, postoi një video të tijën ku reagonte ndaj fjalëve të Rogan dhe reflektonte se në sa shumë kënvështrime mund të shihet kjo situatë.

Si përfundim, të gjithë ranë dakord se çdo hobi, përfshirë këtu edhe gaming, është i dëmshëm kur kryhet në sasi të tepruar. Gjithsesi, për ata që janë të përfshirë dhe që janë fansa të industrisë së gaming, fjalët e Rogan dukej se injoronin meritat e gaming dhe rritjen e industrisë.