Jake Paul reagon ndaj akuzave për abuzim seksual

YouTuber-i amerikan, Jake Paul u është përgjigjur pretendimeve për ngacmime  seksuale, duke thënë se ato janë nga vite më parë dhe janë 100% të rreme.

Akuzat e ngacmimeve seksuale u bënë kundër Jake Paul më 9 Prill 2021, nga Justine Paradise. Ajo pretendoi se Paul e ngacmoi seksualisht edhe pasi ajo e bëri të qartë se nuk ishtee interesuar të merrej me aktivitete seksuale me të.

“Unë nuk mund t’i thoja që të mos e bënte, ai nuk kërkoi pëlqim ose asgjë. Ai e dinte që unë nuk doja të bëja asgjë me të, sepse ai tha ‘nëse asgjë nuk do të ndodhë, çfarë kuptimi ka?’ tha ajo në videon e saj në YouTube.

Paul iu përgjigj akuzave më 13 prill, duke i mohuar ato  dhe duke thënë se kishte në plan të “ndiqte këtë shpifje të karakterit në masën e plotë të ligjit”.

Vëmendja për pretendimet ra disi, si rezultat i luftës së Paul kundër ish-yllit të MMA Ben Askren, e cila u zhvillua në 18 Prill, dhe rezultoi në një fitore pa shumë mundim në raundin e parë për YouTuber-in.

Sidoqoftë, më shumë akuza kanë dalë pas ndeshjes, këtë herë nga Railey Lollie, një modele e cila filloi të punojë me Paul kur ajo ishte 17 vjeç. Siç raportohet nga The New York Times, Lolley pretendon se Paul rregullisht komentonte për pamjen e saj dhe shpesh e quante atë “jailbait”.

Ajo pretendon se një mbrëmje në vitin  2017 pasi filmoi një video, Paul e përqafoi atë. Lolley shprehet se ajo i tha Paulit që të ndalonte menjëherë, dhe ai u largua nga dhoma.

Paul u mor në pyetje në lidhje me akuzat nga Max Kellerman i ESPN, për të cilën ai tha: “Të gjitha këto akuza, gjërat që thuhen për mua, janë të viteve më parë. Akuzimet janë 100% të rreme, dhe ekipi im ligjor po ndjek këta njerëz për t’u siguruar që ata mbajnë përgjegjësi për gjërat që ata po thonë, sepse nuk janë të vërteta dhe ata do të dëmtojnë imazhin tim.”