Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një nga intervistat më të ndjekura të Oprah Winfrey është ajo me Meghan Markle dhe Princin Harry, e cila kishte 17.1 milion shikues, pra 3 herë më shumë se në Golden Globes!
Intervista dy-orëshe ‘Oprah with Meghan and Harry: A CBS Primetime Special’ tërhoqi një audiencë prej 17.1 milion shikuesve të dielën në mbrëmje, tre herë më shumë shikues sesa në Golden Globes të javës së kaluar.
Ndërsa në Golden Globe Awards të 78-të Hollywood Foreign Press Association nderoi aktorët, filmat dhe televizionet më të mira të vitit, ish-mbretërorët u ulën me Oprah Winfrey për të diskutuar arsyet e tyre pse vendosën të largoheshin nga Anglia dhe rreth detyrave mbretërore.
Temat e diskutimit gjatë intervistës varionin nga mbështetja që i mungojë Meghan-it nga familja mbretërore gjatë problemeve të saja me shëndetin mendor, shqetësimi i familjes mbretërore për ngjyrën e lëkurës së djalit të tyre Archie dhe se si përfundimisht atij iu mohua mbrojtja e sigurisë.
Çifti gjithashtu krahasoi problemet e tyre të vazhdueshme me familjen mbretërore me ato të nënës së ndjerë të Harry, Diana, konflikti i së cilës me familjen mbretërore dhe mediat u reklamua shumë, para se ajo të vdiste tragjikisht në një aksident me makinë në 1997. Harry gjithashtu zbuloi se ishin prerë financiarisht nga familja mbretërore në fillim të vitit të kaluar, dhe se Duka dhe Dukesha e Sussex kanë qenë duke shpenzuar trashëgimin që nëna i la atij.
Intervista shumë e pritur kishte audiencën e dytë më e madhe nga çdo ngjarje televizive, pas Super Bowl. Këto numra ka të ngjarë të rriten pasi kjo intervistë është gati për transmetim.
Sidoqoftë, audienca për intervistën e ish-mbretërorëve nuk është aspak e krahasueshme me intervistën e drejtpërdrejtë e Oprah në vitin 1993 me yllin e muzikës Michael Jackson, e cila tërhoqi një audiencë masive prej 62 milion shikuesish.
Intervista e Oprah me Meghan dhe Harry dëshmon se ngjarjet tradicionale televizive të rrjetit ende mund të tërheqin një audiencë të konsiderueshme. Megjithatë, ngjarje të tilla si Golden Globes dhe Emmy kanë përjetuar numra të ulët kohët e fundit, ndoshta për shkak të ndërprerjeve prej COVID dhe migrimit të ngadaltë të transmetimit.
Për ata që kanë humbur episodin special ‘Oprah with Meghan and Harry: A CBS Primetime Special’, ai tashmë është në dispozicion për t’u parë përmes aplikacioneve streaming të CBS.
