Fansat e League of Legends janë çmendur pas këngës.
Fansat e League of Legends janë çmendur pas këngës.
League of Legends sapo solli një tjetër video muzikore, që debutoi në Worlds 2019, të quajtur ‘GIANTS‘. E postuar dje në YouTube, videoja ka grumbulluar momentalisht 5.7 milionë shikime dhe është #17 në trending. Ky bashkëpunim i animuar bashkon vokalet e Ekko (Thutmose, Duckwrth), Senna (Keke Palmer) dhe Qiyana (Becky G). Ky grup muzikor i quajtur “True Damage” po i hedh përpjetë fansat nga gëzimi.
Duket se këtë herë Riot Games devijoi drejt një stili pak më të ndryshëm. Krahasimet me videon muzikore POP/STARS nuk kanë munguar. Përmes një vibe-i entuziast, gjuhëve të ndryshme të përfshira në të dhe tematikave të larmishme, kjo video mund të jetë po aq popullore, në mos më shumë se “POP/STARS.”
Klipi i GIANTS fillon me një skenë të një zone urbane futuristike. Përmes sekuencave të ndryshme, shfaqen imazhe të Yasuo, Ekko dhe Akali. Ekko e fillon rap-in e tij me animime të shpejta, ndërkojë që Yasuso bën DJ nga distanca. Prezantimi i Quiyana është komplet i ndryshëm, ku ajo shfaqet pas një vile rozë të ndritshme. Pas minutës së parë të videos mund të shihet dhe Senna. Akali pastaj surprizon fansat duke folur koreançe, ndërkohë që Quiyana ka disa vargje në spanjisht.
Nga fundi i videos, skuadra vendoset pas një sfondi ku mund të shihet Kulla Eiffel, teksa reflektohet Parisi, vendi ku u mbajtën finalet e League of Legends Worlds.
Performanca live e True Damage është gjithashtu shumë e këndshme dhe publiku duket se ra në dashuri me shfaqen që ata sollën. Për ata që janë të fiksuar me këngën, mund ta gjeni atë edhe në Spotify.