Komuniteti i profesionistëve në Fortnite ishte plot me drama gjatë dhe pas Kupës së EpikWhale të 11 Marsit; ndërsa Deyy ra në gjumë, humbi një ndeshje të tërë dhe u qortua nga shokët e tij të skuadrës, specifikisht FaZe Cented, në Twitter.
Deyy tashmë ka fituar mbi $75,000 nga karriera e tij në Fortnite pavarësisht se ende është në shkollë dhe ka nevojë të zgjohet në 8 të mëngjesit gjatë ditëve të javës. Për më tepër, ekipi i tij i përbërë nga Commandment, FaZe Cented dhe NRG Edgey u konsiderua si një nga më të mirët në Kupën EpikWhale.
Fatkeqësisht, ai orar shkollor mesa duket i ka prishur punë, pasi Deyy-n e zuri gjumi dhe humbi ndeshjen e parë nga pesë të ekipit të tij. Brenda ditës, drama e ekipit u përhap në Twitter.
Cented u bë pjesë e FaZe Clan në të njëjtën ditë me turneun dhe padyshim donte ta festonte atë duke pasur një fitore. Pengesa më e madhe për atë qëllim? Nevoja e Deyy-t për gjumë.
Ndërsa tweet-i fillestar i Deyy-t duket goxha i padëmshëm në shikim të parë, padyshim që është e dukshme ankesa në mënyrë pasive drejtuar shokëve të tij të ekipit që ishin tronditur për dremitjen e tij.
Mbetet e panjohur se çfarë është folur në prapaskenë, posaçërisht me Commandment dhe Edgey – por Deyy dhe Cented janë shprehur shumë lirshëm ne Twitter.
Siç shpjegoi Cented më sipër, çështjet me sjelljen e Deyy-t nuk kanë të bëjnë vetëm me dremitjen famëkeqe.
Pavarësisht se lojtari i përgjumur u përgjigj se nuk i interesonte kjo gjë, sepse ai kishte “shkollë në 8 të mëngjesit”, drama nuk u ndal këtu.
Siç sqaroi më vonë Cented, “Fortnite nuk është një hobi. Është puna ime dhe ëndërroj që të jem më i miri ”.
I përkushtuar për përmirësim dhe për të pasur një fillim të fortë në karrierën e tij FaZe, është e qartë se lojtari kishte pritje më të larta për veten dhe ata përreth tij. Në vend të kësaj, ai kuptoj nëpërmjet këtij incidenti se, jo vetëm Deyy nuk e respekton atë, por dhe e trajton lojën si një “hobi”.
Pas dramës, Deyy mori shumë vëmendje në mediat sociale, filloi të postonte disa tweet, çaktivizoi dhe më pas aktivizoi përsëri llogarinë, përpara se të postonte më në fund një Twitlonger për të sqaruar incidentin.
Nga ana tjetër, Cented gjithashtu foli duke kërkuar që njerëzit të “zbusnin” komentet dhe akuzat e tyre ndaj Deyy dhe duke i kujtuar të gjithëve se ai është vetëm 15 vjeç.
Për momentin, rezultatet e ekipit janë akoma në renditje të mirë, por duket se me kalimin e kohës mund të bien. Duke injoruar akuzat në Twitter kundër Deyy-t, fans-at e vërtetë shpresojnë që ai të rikthehet në lojë dhe t’i kthehet atyre që dyshojnë te ai me performancë më të fortë dhe të zgjuar në një ekip të ri.