Më pak se një muaj më parë, platforma e Twitch bëri ban të përhershëm, ish lojtarin e TSM Fortnite, Khanada. Arsyeja pas këtij ban-i mbetet një mister, por fansat hamendësojnë se mund të ketë qenë faji i sjelljes së tij të ashpër online. Ban-i erdhi pas fjalëve të tij të ashpra kundrejt kundërshtarëve online.
Fansat dyshojnë se ban-i ka të bëjë edhe me largimin e tij nga TSM, sado që kishte rezultate të shkëlqyera në lojë. Që të rifillonte karrierën e tij kompetitive, Khanada bëri një tentativë duke rifilluar streaming. Duke qenë se streaming është një pjesë e rëndësishme e esports, ish pro i Fortnite, nuk donte që të zhdukej për një periudhë të gjatë kohore.
Khanada ju bashkuar organizatës së esports Built By Gamers para pak ditësh. Njoftimi erdhi përmes një videoje të çuditshme ku ai thoshte se ky ishte një fillim i ri për të. Ai gjithashtu kishte zgjedhur një emër të ri. Tani ai do të quhet ‘Zenada’ dhe do fillonte karrierën e tij streaming në YouTube.