FaZe Banks dhe Tfue bashkohen publikisht sërish për herë të parë

Kjo është hera e parë që ata shihen së bashku që prej padisë nga Tfue

Tfue ishte për një kohë të gjatë fytyra e ekipit të Fortnite të FaZe Clan, duke fituar qindra mijëra dollarë nën emrin e tyre dhe duke tërhequr shumë fansa në Twitch.

Në 20 maj 2019, Tfue e paditi FaZe Clan, duke thënë se ata i kishin dhënë një kontratë ku FaZe merrte 80% të fitimeve nga videot, duke e lënë atë me vetëm 20%. FaZe Banks ndërkohë menjëherë i kundërshtoi të gjitha akuzat dhe tha se Tfue po i përdorte ato për të dalë nga kontrata.

Të dy ishin miq të mirë përpara padisë, por më pas ata nuk kominukuan, me Banks që tha se e telefonoi disa herë pas kësaj ngjarje. Ata nuk janë parë së bashku prej kohës, derisa Banks publikoi një story në Instagram së bashku me Tfue.

Përpos kësaj, Banks madje i dërgoi dhe një tweet Tfue kur ky i fundit postoi për ndarjen nga Corinna Kopf, duke thënë: “Le të kthehemi ashtu siç ishim në fillim“.

Tfue dhe FaZe Clan janë ende duke u marrë me çështjen gjyqësore, me gjykatësen Patricia Nieto që mbajti anën e Tfue kur organizata kërkoi që kjo çështje të mbyllej. Të dyja palët do të rikthehen në gjyq në 6 korrik për të vazhduar çështjen.

Edhe pse gjërat janë ende të nxehta në gjykatë, duket se Tfue dhe Banks i kanë rregulluar sërish marrëdhëniet midis tyre.