Pokimane thotë se së shpejti do të “firmosë një kontratë.”
Pokimane thotë se së shpejti do të “firmosë një kontratë.”
Imane ‘Pokimane’ Anys është streamerja më e madhe në Twitch, por siç e kemi venë re, suksesi në Twitch nuk është gjithmonë një garanci që do të qëndrosh aty.
Tyler ‘Ninja’ Blevins dhe Michael ‘Shroud’ Grzesiek kanë qenë të dy në një pikë streamerat aktivë më të ndjekur në Twitch, por të dy kanë kaluar ekskluzivisht në Mixer brenda të njejtit vit. Gjatë livestream-it të saj në datë 30 tetor, Pokimane i la fansat të mendonin se ajo mund të bënte të njejtën gjë, pasi tha se kishte një njoftim për të bërë dhe se së shpejti do të firmoste një kontratë.
Pokimane ka kanalin e 12 më të ndjekur në Twitch, me afërsisht 3.5 milion ndjekës. Ajo është gjithashtu streamerja femër më e famshme e platformës. Gjatë stream-it të saj ajo u tregua shumë e paqartë për detajet e kësaj kontrate dhe edhe i vuri shikuesit pak në lojë mbi mundësinë e të qenurit një kontratë për në Mixer.
“Ju djema mund të shkruani ‘Mixer’ sa herë të doni. Mund ta bëni spam një milion herë atë fjalë këtu në chat. Prapë nuk ka për ta ndryshuar njoftimin që kam për të bërë…Për aq sa dini ju, unë mund të njoftoj se do të marr një mace të re.”
Largimi i Pokimane do e dëmtonte shumë Twitch, pasi ajo është personaliteti femër më i madh në një platformë të dominuar kryesisht nga meshkujt.