Kjo ndodhi gjatë stream-it të Rick Fox për bamirësi
Kjo ndodhi gjatë stream-it të Rick Fox për bamirësi
Ai është një kampion i trefishtë në Worlds, pjesë e Hall of Fame të esports dhe mbase lojtari më i mirë ndonjëherë i League of Legends, po as vetë Lee ‘Faker’ Sang-hyeok nuk mund t’i sigurojë fitoren ekipit në Bronze.
Faker, i cili po luante në account-in e tij të ri së bashku me ish-pronarin e Echo Fox Rick Fox në një stream për bamirësi përpara eventit All-Star të këtij viti, arriti të merrte 38 nga 58 vrasjet e ekipit të tij në një ndeshje të gjatë 1 orë në Bronze, por ekipi i tij gjithsesi humbi. Madje, ai as nuk u shpall MVP.
Lojtari i SK Telecom T1 ishte 38/5/12 me Teemo, ndërkohë Fox, i cili është momentalisht Bronze 3, ishte 6/16/16 me Lucian. Fox e nderoi Faker me një bluzë “Bronze Faker” pas ndeshjes dhe i tha: “Ja ku e ke, që të kujtosh që ke qënë në Bronze. A ke qënë ndonjëherë Bronze?“. Kjo solli shumë të qeshura nga Faker, i cili i tha: “Unë nuk kam qënë kurrë Bronze“.
Pjesa tjetër e ekipit të Faker ishin një lojtar në Bronze 4, një në Bronze 1 dhe një në Silver 4. Siç mund ta shihni më poshtë, Faker ishte i vetmi që mund të bënte carry.
Stream-i 24 orësh i Rick Fox për bamirësi, i cili kishte gjithashtu pjesë të tij lojtarë si Tyler ‘Tyler1’ Steinkamp, po mbahet për të ndihmuar të prekurit nga Urragani Dorian në Bahamas.
Fox do të ketë shumë talente të League of Legends në stream-in e tij, pasi ai po bën stream nga ambienti ku do të mbahet All-Star 2019 në Las Vegas. Në këto momente, kanë kaluar vetëm 13 orë, prandaj ju keni akoma mundësi ta ndiqni atë këtu, për të parë se kush tjetër do të luajë në Bronze.