Streamers të lojërave në Facebook nuk kanë nevojë të shqetësohen për probleme copyright-i për të luajtur muzikë në background-in e stream-it të tyre, njoftoi platforma së fundmi.
Në një postim në blog, Facebook Gaming tha se ka një marrëveshje me kompani të shumta muzikore, duke përfshirë Universal, Warner, Sony, Kobalt dhe BMG, ndër të tjera. Ndërsa detajet e atyre marrëveshjeve janë konfidenciale, Facebook po mburret se muzika më e popullarizuar në një mori zhanresh do të jetë e përdorshme.
Për të filluar, platforma do të lidhë partnerët e Facebook Gaming me këtë veçori. Por pritet që së shpejti t’u japë streamers të nivelit më të ulët akses po ashtu.
Lëvizja e Facebook drejt marrjes akses së lojtarëve në muzikë të licencuar vjen menjëherë pasi shumë streamers, kryesisht nga Twitch, u dhanë DMCA warns për luajtjen e muzikës që ka të drejta autoriu, në sfond në stream-et e tyre në fillim të kësaj vere.
Që kur problemi nisi, duke shkaktuar panik masiv nga content creators në internet, shumë streamers kanë shmangur luajtjen e çdo lloj muzike ose materiali potencialisht të mbrojtur nga e drejta e autorit. Disa madje fshinë katalogë të mëdhenj të streams të tyre të vjetra për të shmangur ndonjë veprim ligjor.
Facebook nuk dha shumë detaje në lidhje me mënyrën e funksionimit të marrëveshjeve, por duket sikur theksi i partneritetit është që muzika duhet të jetë në “background”.
Një nga argumentet kryesore kundër DMCA warns që po shpërndahet është se, për shumë streamers, muzika është thjesht një element periferik i lojërave dhe përmbajtjes së drejtuar nga personaliteti.
“Stream-i juaj duhet të jetë në lidhje me lojërat, jo muzikën,” tha Facebook. “Me fjalë të tjera, jumund të bëni stream muzikë për sa kohë që është në sfond, me efektet zanore të lojës dhe zërin tuaj (dhe gjithçka tjetër) sipër. Të bëni si DJ pa luajtur nuk do të funksionojë për ju”.
Ka disa këngë që nuk janë të mbuluara nga marrëveshjet që platforma ka punuar, sipas postimit të Facebook. Nuk ka ende një listë të këngëve që do të jenë në dispozicion, por për shkak të kushteve konfidenciale të marrëveshjeve të Facebook, nuk mund t’u japë krijuesve asnjë lloj “liste të ndaluar” këngësh
Megjithëse Twitch ende nuk ka dalë me ndonjë zgjidhje për të luftuar DMCA warns ashtu siç po diskuton Facebook, provat sugjerojnë se është në krye të listës përparësore të platformës. Më parë këtë verë, Twitch postoi një listë për kërkim pune në faqen e saj, në kërkim të një ekzekutivi me 10 vjet përvojë ose më shumë për të qenë një “partner kryesor muzikor dhe menaxher i liçensimit”.