Ewok mund të jetë streamer-ja e rradhës që do të kalojë në Mixer

Update: Ewok e ka konfirmuar kalimin e saj në Mixer. Ajo është anëtarja e parë e FaZe Clan që lë Twitch për Mixer, duke ndjekur hapat e shroud dhe Ninja.

Streamerja e FaZe Clan për Fortnite, Ewok, mund të jetë personaliteti i rradhës që do i bashkohet shroud dhe Ninja në Mixer. Kjo ide erdhi pasi ajo postoi diçka shumë nënkuptuese në Twitter.

Situata në botën e streaming kohët e fundit ka qenë pak e tensionuar, me Twitch që po përpiqet të frenojë personalitete të mëdha që po i largohen nga të gjitha anët. CouRage së fundmi kaloi në YouTube Gaming, ndërkohë që Ninja dhe Shroud tashmë e kanë kaluar suksesin e tyre në Mixer.

Mendohet se marrëveshje të tilla do të vazhdojnë dhe Ewok mund të jetë ajo që e ka rradhën për të bërë njoftimin e saj. Klipi 32 sekondësh i postuar në Twitter në 13 nëntor ishte i hapur për interpretim. Në të mund të shihej Ewok me disa kanaçe boje, teksa nxjerr një furçë dhe fillon të lyejë në murin e bardhë para saj.

Përmes ngjyrave rozë dhe bojqielli, ajo krijoi një miksim blu në mur, shumë të ngjashëm me ngjyrën e Mixer. Ky njoftim i vogël ishte mjaftueshëm që fansat menjëherë të fillonin spekulimet rreth të ardhmes së Ewok.

Për ju që mund të mos e njihni, Ewok doli në ekranet e të gjithëve pasi TimTheTatman e solli 13 vjeçaren e shurdhër në një nga streamet e tij në mars të 2019s. Menjëherë ajo kaloi nga disa qindra ndjekës në 10,000 brenda natës. Muaj më vonë dhe popullariteti i saj ishte vetëm në rritje.

Ajo bën stream kryesisht Fortnite në një audiencë me afërsisht 200 shikues të dedikuar, por gjithashtu është bërë edhe një nga figurat më të njohura në komunitetin divers të Fortnite.

Ajo firmosi kontratën me FaZe Clan në korrik të 2019s, më pak se një vit pasi filloi kanalin e saj në Twitch, duke u bërë e para femër në organizatë. Nëse ajo do të kalojë realisht në Mixer ose jo, mbetet të presim për vetë njoftimin e saj zyrtar.