Testuesi në fjalë është akuzuar për thyerjen e marrëveshjes së konfidencialitetit që kishte me Epic.
Testuesi në fjalë është akuzuar për thyerjen e marrëveshjes së konfidencialitetit që kishte me Epic.
Epic ka hedhur një nga testuesit e tij në gjyq, pasi mendohet se ai ka nxjerrë informacione për Fortnite Chapter 2, duke i bërë “spoil” eksperiencës për lojtarët e tjerë. Padia akuzon Ronald Syke për thyerje të marrëveshjes konfidenciale dhe shpërdorim të sekreteve. Epic është shprehur se si rezultat i këtyre leaks: “do të vlerësojë sasinë e dëmit të shkaktuar.”
Ronald Syke luajti versionin e ri të Fortnite në shtator dhe zbuloi shumë të dhëna për update-in e ri të battle royale-it, shumë më para lançimit të tij, përfshirë këtu edhe një imazh të hartës së re. Sigurisht që në atë pikë ishte ende shumë herët dhe asnjë nga lojtarët nuk e besoi që ishte e vërtetë.
Në padi thuhet: “Sykes tentoi të tregonte çfarë do të ndodhte në lojë, duke treguar sekretet e Epic dhe duke shkatërruar anticipimin që Epic kishte punuar me muaj të tërë për ta krijuar mbi Fortnite Chapter 2. Marrëveshja e tij konfidenciale me Epic për të mbajtur ato sekrete u tradhëtua.”
Epic ka ngritur edhe një padi tjetër në raport me leaks në Fortnite vitin e shkuar, por në atë rast i pandehuri u mbrojt duke thënë se nuk kishte për qëllim që ta bënte informacionin publik.
Se çfarë pasojash të mëtejshme mund të ketë ky rast, ende nuk mund ta themi me siguri. Do të vazhdojmë ta ndjekim si histori dhe do ju mbajmë të informuar.