Gjithashtu tha se ka një adresë sekrete në Instagram.
Gjithashtu tha se ka një adresë sekrete në Instagram.
Në një intervistë me New York Times, CEO i Tesla Elon Musk, tha se mesazhet e tij në Twitter konsistojnë kryesisht në meme dhe se nuk është i shqetësuar edhe nëse ato i bëhen hack.
Musk ishte një nga mbi 100 profilet në Twitter që u bënë hack për një mashtrim të Bitcoin. Kompania tha se hackerat mund të kenë shkarkuar mesazhet ose informacionet private të disa përdoruesve gjatë kësaj kohe.
“Nuk jam i shqetësuar nëse DM e mia bëhen publike,” tha Musk. “Mund të ketë disa segmente të DM të mia që tingëllojnë jashtë konteksti, por përgjithësisht e përdor DM për të shkëmbyer memes.”
Gjatë bisedës Musk tha se ka një adresë sekrete në instagram për të parë links të gjërave që i nisin të tjerët dhe se mendon se mund të ketë patur COVID-19 në janar.
“Mendoj se realiteti i Covid është që është i rrezikshëm nëse je i moshuar dhe ke probleme të tjera shëndetësore,” tha ai në intervistë. “Bën shumë sens të izolohesh nëse je lehtësisht i prekshëm, por nuk mendoj se ka sens anasjelltas.”
Musk ishte kokë më kokë me zyrtarët në Fremont, Kaliforni, në rihapjen e kompanisë së makinave të tij në maj. Ai u shpreh se vesh gjithmonë maskë kur ndodhet në fabrikë.
Elon Musk nuk para jep shumë intervista, ndaj është interesante ta shohësh teksa i përgjigjet pyetjeve për Space X, Tesla, Covid ose jetës së tij në rrjete sociale.