Elon Musk është një fans i madh i The Witcher

Miliarderi dhe CEO i Tesla Elon Musk zbuloi për ndjekësit e tij se jo vetëm që është një fans i The Mandalorian, por se është gjithashtu një fans i madh i serive të The Witcher, duke cituar këngën më ikonike të serialit.

Që kur The Witcher u transmetua fillimisht në 20 dhjetor, ishte një këngë nga seriali që mbeti prej javësh në mendjet e të gjithëve. Ajo quhet ‘Toss a coin to your witcher’ dhe performohet nga personazhi i Joey Batey, Jaskier the Bard. Kënga e pushtoi të gjithë internetin dhe duket se edhe Elon Musk i është bashkuar turmës.

Ai zbuloi se është një fans i The Witcher, duke cituar tekstin e këngës në tweet-in e tij. CEO i Tesla thjesht shkruajti: “Toss a coin to your Witcher.” 

Një nga shkrimtaret e shfaqjes, Jenny Klein, postoi më vonë se ishte kënaqur që teksti i saj kishte vajtur deri te Elon Musk. Këtë e shprehu me një anektodë mjaft të këndshme duhet ta pranojmë.

Kënga është bërë burim frymëzimi për shumë meme dhe remixe të tjera, me fansat që kanë dhënë pak nga versioni i tyre për këngën ikonike të serialit.

Fansat nuk do të presin shumë që të dëgjojnë dhe të shohin më shumë eksperienca të The Witcher. Henry Cavill, i cili luan rolin e Geralt, zbuloi se tashmë ka filluar puna për sezonin e dytë.