Me pauzën që PewDiePie mori nga YouTube, editori i yllit suedez është shprehur se youtuber-i nuk do të heqë kurrë dorë nga platforma, pasi ai “është i varur pas saj.”
PewDiePie është youtuber-i më i madh i të gjithë platformës, me mbi 102 milionë subscribers të mbledhur në kanalin e tij. Ai gjithashtu kishte kanalin më të parë në platformë për 2019.
Gjithsesi, suedezei mori një pushim nga YouTube në datë 15 janar, pas postimeve ditore në kanal prej 10 vitesh. Pavarësisht kësaj, editori i tij thotë se kur të rikthehet, ai nuk do të heqë dore dhe as nuk do ta ngadalësojë ritmin.
PewDiePie njoftoi fillimisht se do të merrte një pushim nga YouTube në datë 14 dhjetor, duke thënë se ishte “i lodhur”. “Këtë vit ka patur shumë gjëra që janë vendosur njëra mbi tjetrën dhe mendoj se duhet të qetësohem pak. Pastaj do të kthehemi me 10,000 %,” tha ai.
Duke konfirmuar fjalët e suedezit, editori i PewDiePie, Sive Morten, shpjegoi: “Të gjithë kanë nevojë për një pushim, por me YouTube një pushim ndikon shumë në kanalin tënd. Mendoj se për atë ja vlen dhe edhe vetë kam nevojë për një pushim.”
Më tej ai vijoi të thoshte se ylli i YouTube është i dashuruar me punën e tij: “Në një mënyrë jo ironike, ai është i varur pas të bërit të videove në YouTube. Ai vërtet e shijon krijimin e tyre.”
Sive gjithashtu komentoi mbi etikën e shkëlqyer të PewDiePie dhe ishte i çuditurqë ai nuk mori pushim për muajin e tij të mjaltit, pasi u martua me Marzia në gusht të 2019s. “Po prisja që ai të thoshte: hey hajde regjistrojmë nja 100 video paraprakisht.”
“Nuk mendoj se ka për të hequr dorë kurrë. Mendoj se është vërtet i varur. Ai nuk mjaftohet dot me YouTube. Shumica e YouTuber-ave, pasi marrin shumë shikime, pasi bëhen të rëndësishëm, çmenden pak.”
PewDiePie nuk mund të kishte zgjedhur një periudhë më të mirë për ta bërë pushimin e tij. Ende nuk dihet se sa do ta mbajë atë ose kur do i rikthehet platformës, por me shumë gjasa nuk do të na duhet të presim shumë.