Një nga streamer-at më të famshëm Benjamin “DrLupo” Lupo ka shpallur partneritetin me YouTube Gaming, platformë e cila do ta shohë teksa shkëputet nga Twitch në mënyrë që të bëjë stream ekskluzivisht në YouTube platform.
DrLupo tashmë ka një audiencë të rëndësishme ne YouTube, ku ai ka 1.74 milion subscribers, por ende shumë larg nga 4.5 milion ndjekësit që ai ka në Twitch. Një përfaqësues i Lupo nuk pranoi të komentonte mbi vlerën e marrëveshjes.
YouTube me siguri mund të përdorë një fitore të madhe si kjo: Një raport i kohëve të fundit i Stream Hatchet tregon se ndërsa Twitch mbetet platforma dominuese e stream me 12.8 miliardë orë gjithsej të shikuara gjatë dy tremujorëve të parë të vitit 2021, YouTube është shumë pak përpara Facebook, dhe ka hapa shumë të vegjël përsa i përket rritjes. YouTube u rrit nga 2.1 miliardë orë të shikuara në vitin 2020 në 2.7 miliardë në gjysmën e parë të 2021, ndërsa Facebook Gaming u rrit nga 1.1 miliardë në 2.3 miliardë në të njëjtën hapësirë kohore.
Twitch nga ana tjetër duket sikur është mësuar me këto lëvizje. Nuk tregoi aspak shqetësim rreth kontratës, madje i uroi DrLupo-s gjithë të mirat në të ardhmen.