Ai do t’ia dhurojë paratë spitalit të fëmijëve St. Jude
Ai do t’ia dhurojë paratë spitalit të fëmijëve St. Jude
Një prej streamer-ave më të mëdhenj të Twitch ka planifikuar një event bamirësie gjigand këtë fundvit. Benjamin ‘DrLupo’ Lupo mblodhi $600,000 për St. Jude Children’s Research Hospital vitin e kaluar dhe duket se do tentojë të mbledhë edhe më shumë në 2019, me një stream që do të zgjasë 24 orë dhe ka si qëllim të mbledhë $2 milionë për këtë institut.
Stream-i i bamirësisë për St. Jude nga DrLupo do të nisë në 19:00 në 21 dhjetor, në bashkëpunim me iniciativën Play Live të St. Jude. Përpara kësaj date, Lupo ka vizituar spitalin dhe pacientët e vegjlë. Siç thotë dhe Rick Shadyac, CEO i St. Jude: “Ai i njeh fëmijët. Ai i njeh historitë e tyre. Ai e di se çfarë bëjmë ne.”
“Unë jam thjesht dikush që pëlqej të luaj videolojëra dhe jam në një pozicion që mund të bëj diçka të mirë në botë,” – thotë Lupo, “Prandaj jam munduar të bëj sa më shumë të mundem.”
Play Live është një tentativë për të mbledhur para nëpërmjet stream-eve, e ngjashme me Extra Life, por e cila mbledh para specifikisht për St. Jude. Ai ka mbledhur mbi $20 milionë që prej krijimit në 2014 dhe stream-i i DrLupo pritet ta rrisë edhe më shumë këtë shifër.