Dr Disrespect sulmon Epic Games pas eventit Fortnite x Star Wars

Dr Disrespect është treguar vetja e tij edhe një herë tjetër, këtë rradhë duke sulmuar Epic Games, për eventin Fortnite x Star Wars, që u mbajt në lojë në 14 dhjetor. Loja battle royale i çoi gjërat në një nivel tjetër, pasi shfaqi në eventin e saj një skenë ekskluzive nga Star Wars: The Rise of Skywalker, si pjesë e bashkëpunimit të fundit të saj.

Gjithsesi, në dallim nga shumë lojtarë që u futën në lojë për ta parë eventin, Dr Disrespect nuk ishte fare i impresionuar me atë që pa, duke u kapur drejtpërdrejt me Epic Games për këtë. Doc shprehet:

“Vendosa ta shoh këtë bashkëpunimin e vogël të Fortnite Star Wars dhe nga pikëpamja kreative, mendova se ishte një budallik i klasës së shtatë. Sa qesharake!”

Dr Disrespect vazhdoi të fliste, duke thënë se zhvilluesit e lojërave të rjea mund të sajonin diçka shumë më kreative se eventi me Star Wars: “Ata kanë avantazhin teknologjik sepse po përdorin Unreal Engine, por a i veçon kjo nga ana kreative, nga ana e talentit? Aspak.”

Me Epic Games që vazhdimisht dëshiron të rrisë standartet e eventeve brenda lojës, do të jetë interesante të shohim se çfarë kanë të planifikuar për muajt e ardhshëm dhe nëse do të vendosin ta marrin këshillën e Dr Disrespect.