Dr Disrespect dizenjon një hartë për Rogue Company të quajtur Arena

Duket se zhvilluesit pas Rogue Company janë duke marrë një dizajn të ri harte nga një prej fytyrave më të mëdha të botës së gaming momentalisht. Dr Disrespect ka vetëm një javë që i është rikthyer streaming, por qartazi atij i pëlqen të rrijë i zënë. Doc njoftoi në Twitter planet e tij për një hartë të quajtur The Arena.

Rogue Company u lançua si closed beta në korrik, por ka mbledhur goxha fansa deri më tani. Loja do të lançojë versionin e plotë më vonë gjatë këtij viti. Rogue Company i jep lojtarëve të konsolave një urë lidhëse mes lojërave si Overwatch dhe CS:GO.

Doc u drejtua në Twitter me një dizajn harte, duke i pyetur zhvilluesit e lojës nëse mendonin se ajo do të përshtatej mirë me të. Ai mori një përgjigje pozitive mjaft shpejt dhe duket se tani Dr Disrespect do të punojë në dizenjimin e versionit të tij të hartës për lojën.

Është e këndshme të shohësh Doc të rikthehet në qendër të vëmendjes kaq lirshmërisht. Java e shkuar ka qenë mjaft e mirë për streamerin dhe ai ka marrë mikëpritje të madhe nga audienca e tij.

Doc ka bërë projekte të tilla edhe në të shkuarën, kryesisht i njohur për periudhën kur punonte si level designer në Call of Duty: Advanced Warfare. Do të jetë interesante të shohim punën e tij me këtë hartë.