Dr Disrespect dhe PewDiePie mund të takohen për të bërë stream së bashku

Kush nuk do e shihte këtë?

Guy ‘Dr DisRespect‘ Beahm dhe Felix ‘PewDiePie’ Kjellberg, dy nga emrat më të njohur dhe kontradiktorë të streaming u bashkuan së fundmi për një face off në Fall Guys. Duke u bazuar në disa nga komentet e thëna në fund të videos, gjasat janë që ata do të bashkohen sërish.

Në fund të transmetimit Doc tha: “IRL stream, you and I?”, duke shtuar se do të merrte një avion privat për të vajtur në Suedi që të luante live me të. Sigurisht nuk mund të marrësh asgjë që thotë Doc si të mirëqenë, por dëshira e mirë ndonjëherë mjafton.

Me Dr Disrespect që po tenton të ngrejë sërish emrin e tij në YouTube pas ban-it në Twitch, mos u çudisni nëse shikoni edhe më shumë bashkëpunime rrugës, qofshin këto me Pewds ose me emra të tjerë. Doc ka punuar fort që kur u ndërruan platformat dhe nuk po tregon asnjë shenjë ngadalësimi.

Me PewDiePie që është padiskutim mbreti i YouTube dhe Dr Disrespect që është i vendosur për të ri-vendosur bazën masive të ndjekësve që kishte në Twitch, probabiliteti i takimit të dy personazheve ballë për ballë duket mëse i mundur.