Dr Disrespect ka kërkuar ndjesë për tweet-in e tij të famshëm të 2019s, ku sugjeronte se kushdo që luante lojëra në mobile “nuk është gamer i vërtetë”. Kjo ndjesë vjen thuajse 14 muaj më vonë, por a ishte një ndjesë e sinqertë?
Tashmë një yll YouTube-i, Dr Disrespect u detyrua të kthehej në një nga komentet më kontradiktore që ka bërë, pasi u bashkua në një stream me Tanmay ‘Sc0ut’ Singh, një lojtar profesionist i PUBG Mobile.
Mobile gamers aren’t real gamers.
— Dr Disrespect (@drdisrespect) June 10, 2019
Dr Disrespect dhe Sc0ut po luanin disa ndeshje duo-queue në Warzone, kur fansat e Doc e kujtuan atë për deklaratën që ai kishte bërë 14 muaj më parë. Ai u duk se u vu pak në siklet nga kjo gjë dhe më pas i kërkoi ndjesë lojtarit të Fnatics.
“Nuk jam i sigurtë nëse e ke parë tweet-in tim..” tha Dr Disrespect. “Thjesht dua ti bëj pak bisht kontraditave rreth meje, që thashë që mobile gamers nuk janë vërtetë gamers. Ajo ishte diçka e momentit. Thjesht dua të sigurohem që ta sqaroj këtë.”
Sc0ut nuk u duk fare i ndikuar nga kjo gjë. Ai nuk konfirmoi as nëse e kishte parë komentin. Gjithsesi, siç ndodh zakonisht në modën e Dr Disrespect hodhi dyshime nëse e kishte ndryshuar me të vërtetë mendjen për atë që kishte thënë.
Një nga fansat e pyeti nëse i vinte keq për atë që kishte thënë. Doc ndaloi për një sekondë dhe u përgjigj: “Keq për çfarë? Unë nuk kërkoj ndjesë.”
Gjithsesi ai shpjegoi se pse nuk është magjepsur kurrë nga mobile gaming: “E vetmja gjë që më shqetëson me mobile, është që po i vë gishtat mbi ekran. Po zë hapësirë. Do të preferoja më mirë t’i kisha anash.”