Guy Beahm është një nga streamer-at më të mëdhenj deri më sot, falë perosnazhit të tij të Dr Disrespect. Tani duket se përmes televizionit do të mund të mësojmë më shumë për këtë personazh. Beham ka firmosur një marrëveshje me Skybound Entertainment, kompaninë e produksionit pas The Walking Dead, për të kijuar një TV Show.
Ky TV show do të tregojë historinë pas personazhit dhe do të shpjegojë se si ai arriti deri këtu ku është sot. “Jemi ende herët në terma të krijimit dhe drejtimit që duam ta çojmë,” u shpreh Beahm. Detaje të tjera se në cilin kanal do të jepet ky TV show ose se kur mund ta presim që të transmetohet janë ende në ajër.
Dr Disrespect është një ata persona që dinë të tërheqin vëmendje dhe bëmat e tij të shumta janë provë për këtë. Një serial i bazuar në jetën e tij duket në fakt një ide mjaft e mirë.