Dr Disrespect bën stream në YouTube dhe eklipson Ninja në shikueshmërinë e tij

Herschel Guy Beahm IV, i njohur globalisht si Dr Disrespect, po i kthehet zyrtarisht streaming, por këtë rradhë në YouTube. Streameri postoi disa tweete misterioze pas ban-it që ju bë në Twitch, duke i lënë fansat të spekulonin se ku do të ishte destinacioni i tij i ardhshëm.

Pas javëve plot kureshtje, Doc më në fund ka thyer heshtjen e tij duke ju drejtuar YouTube për një live-stream dhe për të sjellë një video muzikore të quajtur ‘Red Skies’.

Në video mund të dallohet silueta e tij, e drejtuar ndaj sfondit të një qyteti gjatë natës, me tekste si ‘You can’t replace me’ që dallohen në sfond.

Pak pas kësaj ai njoftoi edhe rikthimin e tij në YouTube zyrtarisht përmes Twitter.

Gjatë stream-it të Dr Disrespect, shikueshmëria e tij arriti një maksimum prej 335K dhe ai as nuk e tregoi fytyrën e tij. Kjo shifër është shumë më e madhe në krahasim me Ninja, që kur tentoi YouTube arriti vetëm 165K shikues.

Gjithsesi Ninja është në një stad eksperimental për momentin. Ai provoi Twitch herën e fundit dhe u duk se i doli shumë më mirë se YouTube. Dr Disrespect pastaj duket ta ketë ndarë mendjen.

Do të jetë interesante të shohim rikthimin e Dr Disrespect dhe do të jetë edhe më interesante, nëse do të zbulojmë ndonjë ditë se çfarë ndodhi me largimin e papritur nga Twitch. Vetëm koha mund të na tregojë.