Herschel Guy Beahm IV, i njohur ndryshe si Dr Disrespect, është padyshim një nga streamerat më të njohur në industrinë e gaming sot për sot.
Duke filluar që me personalitetin e tij të ekzagjeruar, në gameplay-in e tij të aftë, interneti ka qenë gjithmonë i tërhequr pas figurës së Dr Disrespect. Pavarësisht sjellies së tij arrogante, në fund të ditës Doc është një njeri normal si të gjithë ne. Së fundmi patëm mundësi të shikonim një moment ku ai fliste për ban-in e papritur që i dha Twitch.
Ai gjithashtu foli se si ban-i ka limituar aftësitë e tij për të luajtur me streamers të tjerë të Twitch. Së fundmi atij ju desh të anullonte streamin e planifikuar me x2Pac, për shkak të rreziqeve të larta.
Duke thënë se vuan nga krizat e ankthit, Doc u hap pak më shumë për ban-in e bërë nga Twitch, arsyeja e të cilit vazhdon të spekulohet pafund, për shkak të misterit që mbart. Në një video YouTube-i të postuar nga Esports Talk, paraqitet një klip ku Doc del nga personazhi për një moment dhe zbulon se çfarë ka përjetuar pas ban-it të Twitch.
Dr Disrespect fillon duke treguar se si ishte jeta përpara se të bëhej ban në Twitch, duke thënë se ka kaluar shumë gjëra në të shkuarën dhe se gjendej në një pikë kaq të mirë të jetës së tij, e cila thjesht ju mor nga duart një ditë.
Më tej ai vazhdon për natyrën e beftë të Twitch dhe impaktin që kjo ngjarje la në shëndetin e tij mendor:
“Të mos di pse dhe të mos di asgjë për të dhe të mos më thonë asgjë.. thjesht boom, të marrin çdo gjë që kam ndërtuar. Fakti që jam këtu në YouTube, ka qenë një rikthim fantastik për mua, por nivelet e ankthit tim janë… diçka që vjen me valë masive dhe po has disa vështirësi për ta përballuar.”
Doc vijon të flasë së si ja ka dalë të menaxhojë me këto probleme në të shkuarën. Të shohësh një streamer të kalibrit të Dr Disrespect të haset me të tilla probleme është realisht për të ardhur keq. Shumë njerëz online reaguan duke treguar suportin e tyre për Doc, pas deklaratës së tij.