A po vdes CS:GO? Shroud jep mendimin e tij

Ylli i Twitch Michael ‘shroud’ Grzesiek ka sqaruar mendimin e tij nëse CS:GO po vdes si lojë apo jo, duke shpjeguar se pjesa kompetitive e CS:GO në Amerikën e Veriut është në një pozitë të vështirë për momentin.

Gjatë stream-it të tij në 1 nëntor, ish ylli i CS:GO po praktikonte disa lojëra në Valorant, kur disa shikues në chatt e pyetën nëse do të luante CS në vend të saj. Të tjerë pyetën për opinionin e tij për stadin e tanishëm të lojës, specifikisht nëse loja “po vdiste”.

“A mendon se CS është duke vdekur? Jo jo jo, nuk mendoj se CS po cdes, mendoj se niveli kompetitiv i NA CS ka rënë pak dhe ky është një fakt,” tha shroud përpara se të zgjerohej edhe më shumë për mendimin e tij.

“Nuk mendoj se CS është duke vdekur, mendoj se është ende mjaft popullore, por është mëse e qartë që NA CS nuk është në një pikë të mirë për momentin, gjë që më mërzit pak, pasi po ja dilnim aq mirë.”

Duke marrë parasysh që ekipet e Amerikës së Veriut janë duke u larguar nga CS dhe disa pro janë duke kërkuar për lojëra të tjera ku mund të vazhdojnë karrierën e tyre, arsyetimi i shroud është mëse i pranueshëm.

Ai ka qenë kritik për lojën edhe më parë, specifikisht për mënyrën e përqasjes që NA pros kanë për CS. Ndoshta atyre ju duhen pak këshilla nga shroud për ta sjellë lojën sërish në nivelin e duhur brenda atij rajoni.