CouRage zbulon se kush është streamer-i më i mirë dhe pse

CouRage ka shprehur mendimin tij rreth kësaj teme

Kur vjen puna tek streaming në botën e gaming, vetëm një numër i vogël njerëzish kanë arritur majat e famës. Dy prej tyre janë Tim ‘TimTheTatman’ Betar dhe Jack ‘CouRageJD’ Dunlop, të cilët janë bërë miq të mirë dhe shpesh herë luajnë së bashku në stream.

Kur u pyet për mendimin e tij rreth streamer-ave më të mirë në një intervistë në Dreamhack Atlanta, CouRage e quajti Tim “më të mirin“, i cili është një mendim mjaft popullor mes fansave.

“Në përgjithësi, mendoj se streamer-i më i mirë, në lidhje me humorin dhe aftësitë e tij, është Tim,” – tha CouRage Në sytë e CouRage, TimTheTatman ka aftësitë dhe cilësitë që çdo streamer duhet të ketë për të qënë argëtues dhe i suksesshëm.

Në të vërtetë, kur përshkruan Tim, CouRage fare mirë mund të jetë duke folur për veten e tij, pasi ai ka po ashtu të njëjtat cilësi, të cilat e kanë bërë atë menjëherë të suksesshëm në pak kohë.

Një prej arsyeve pse CouRage është bërë kaq i famshëm ka qënë dhe miqësia e tij me TimTheTatman dhe streamer-a të tjerë të famshëm. Të dy ata kanë punuar shpesh herë së bashku dhe bashkë me DrLupo ishin pjesë e njerëzve të ftuar në festën e Ninja në New York për Vitin e Ri vitin e kaluar.

Duhet thënë se CouRage dhe TimTheTatman janë mbase dy prej miqve më të mirë në botën e streaming, prandaj nuk është çudi që Jack zgjodhi Tim si streamer-in më të mirë.