Corinna Kopf heq dorë nga Twitch për Facebook Gaming

Facebook Gaming ka shtuar edhe një yll tjetër nga Twitch në radhët e tyre.

YouTuber dhe Streamer Corinna Kopf zbuloi lajmin e madh në Twitter, duke shpjeguar se ajo është “super e lumtur” që do të transmetojë ekskluzivisht në Facebook Gaming. Influencer-ja beson se platforma është fuqizuese dhe do të ndihmojë në zgjerimin e karrierës së saj në lojëra.

“Si një gamer femër, është shumë e rëndësishme për mua të gjej një shtëpi që jo vetëm fuqizon veten time, por edhe të gjithë ju, në mënyrë që të ndikojë pozitivisht në botën e videolojërave,” tha Kopf.

Ky veprim vjen pasi ajo u ndalua në Twitch në fillim të këtij muaji për shfaqje të të brendshme femrash nën një këmishë, siç raportohet. Klipi nga stream-i i saj e ditëlindjes ishte “gati më shumë se një vit më parë”, por mesa duket ishte shkak për pezullim.

Kopf, e irrituar nga pezullimi befasues, kritikoi Community Guidelines të Twitch që lejojnë vajzat të “pikturojnë trupin”, por pezullojnë të tjerët për shkeljet më të vogla.

Kopf nuk është streamer-i e parë që ka bërë lëvizjen në Facebook Gaming. Disguised Toast ndërroi platforma për të “arritur më shumë njerëz në mbarë botën”, ndërsa Super Smash Bros. Pro Gonzalo “ZeRo” Barrios shpreson se Facebook mund ta ndihmojë atë të zgjerojë përmbajtjen e tij. Kalimi i yllit të Fortnite Ninja në Mixer krijoi një efekt domino të platformës dhe duket se luftërat do të vazhdojnë.

Fansat mund të shohin stream-in e saj të parë në Facebook Gaming në 30 Dhjetor në ora 18:00 në faqen e saj.