Pas humbjes ndaj një lojtari me controller, pro i Fortnite vendos ta thyejë një në dysh

Pro i Fortnite Tyler ‘HighSky’ Tereso theksoi opinionin e tij mbi lojtarët me controller në një stream të datës 9 shkurt, ku ai shkatërroi një pad të Xbox 360 për të treguar se sa e urren atë gjë.

HighSky luan për Sentinels, organizata që fitoi Fortnite World Cup me Kyle Bugha Giersdorf. Ai po luante në Creative me kampionin e botës dhe disa prej konkurentëve të tjerë që ishin prezent. Pasi u vra nga lojtarët me contoller, HighSky u acarua dhe shkatërroi controllerin, si për ta përforcuar më tej deklaratën e tij.

Ai vijon të çohet nga karrigia dhe përplas controllerin sërish vërdallë si të ishte një lavjerrës, teksa bërtiste fjalë rastësore për të shfryrë inatin.

Pasi konfirmoi në stream se ishte thyer, ai ju rikthye controllerit për tu siguruar që dëmi i shkaktuar nuk ishte i riparueshëm. Mund të themi se HighSky kishte akumuluar shumë inat.

Problemi i aim assist në Fortnite ka qenë një debat i madh përgjatë komunitetit, mbi të gjitha sepse është më i fortë në PC se në konsolë. Një numër i madh emrash të njohur në industri kanë folur për aim assist, përfshirë këtu Tfue dhe 72hrs. Gjithsesi këta dy të fundit nuk janë parë ndonjëherë të shkatërrojnë paisje si puna e HighSky.