Cody ‘Clix’ Conrad shfryu inatin e tij me gjendjen momentale të Fortnite Season 3, pasi vdiq në mënyrën më fatkeqe të mundshme gjatë një raundi të Dreamhack Online Open. Një turnament $1.7 milionë.
Epic Games jo vetëm që futi shumicën e hartës së Fortnite nën ujë me sezonin e tretë, por gjithashtu solli një sërë armësh të reja, items dhe mekanika të reja në lojë. Një nga gjërat më interesante që u shtuan ishin edhe peshkaqenët, që shfaqeshin në mënyrë rastësore për të dëmtuar lojtarët.
Teksa këta peshkaqena mund të përdoren si një mënyrë për të qarkulluar rreth e qark hartës, ata vijnë me një funksion shumë surprizues. Një funksion që Clix e hasi në momentin më të keq të mudshëm gjatë eventit të tij kompetitiv.
Në një prej lojrëave të Solo Finals në DreamHack Online Open, Clix e gjeti veten në një situatë jo shumë të favorshme. Shumë larg nga zona e sigurt, ai ishte në mes të një zënke mjaft intensive, që më pas e shtoi si kill në favorin e tij. Që nga ajo pikë gjithsesi, gjërat dolën jashtë kontrolli.
Kur eleminon një armik që ndodhet afër teje, zakonisht shkon të marrësh loot-in që ata kanë lënë pas. Clix ishte në nevojë të building materials, ndaj normalisht bëri atë që do të bënte kushdo prej nesh.
Përpara se të kishte mundësi që ta merrte loot-in që kishte rënë në tokë, një peshkaqen doli nga hiçi dhe i gëlltiti të gjitha materialet. Acarimi i tij në këtë pikë ishte mëse i kuptueshëm.
Sado që kishte lojëra të tjera para që mund të rikuperonte rezultatet e tij, kjo humbje i kushtoi atij, duke e lënë në vend të 41, nga 100 lojtarët pro, që po luanin në turnament. Kjo prej një peshkaqeni që ha loot.