Ban i Fortnite nga pajisjet mobile po ndikon shumë tek content creators
Ban i Fortnite nga pajisjet mobile po ndikon shumë tek content creators
Komuniteti i Fortnite mobile ka qënë shumë i trazuar kohët e fundit pas ban-it që Fortnite mori më 13 gusht në Android dhe iOS. Gjatë eventit të Mega Drop event, çmimet e V-Buck ranë me 20% për pajisjet mobile në qoftë se blerja kryhej direkte përmes Epic. Kjo gjë e lejonte të Epic të kryente një “bypass” duke iu shmangur tarifës prej 30% për çdo blerja ose shitje brenda në lojë duke bërë të mundur edhe uljen e çmimeve.
E gjithë kjo “skemë” e Epic solli një përplasje në gjyq ndërmjet gjigantëve të teknologjisë. Google dhe Apple hoqën nga dyqanet e tyre Fortnite mobile me arsyen se Epic po shkelte rregullat e pagesave brenda në lojë. Menjëherë pas kësaj Epic përgjigjet me një trend hashtag #FreeFortnite dhe duke hedhur në gjyq të dyja kompanitë.
Këto evente kanë sjellë shumë shqetësime për përdoruesit mobile. Për përdoruesit Android çështja është më e thjeshtë pasi edhe pse loja nuk është e vlefshme në Google Play Store, ajo akoma mund të shkarkohet dhe përditësohet nga Epic store. Nga ana tjetër për përdoruesit e iOS, gjendja nuk është aspak mirë pasi ata nuk kanë asnjë mundësi për të shkarkuar ose përditësuar Fortnite në pajisjet e tyre. Ata do të jenë të ngecur në sezonin e tretë të kapitullit të dytë dhe nuk do të munden të luajnë sezonin e ri derisa çështja të zgjidhet.
Nga të gjitha informacionet që kemi, duket se beteja midis Apple dhe Epic nuk ka rezultate akoma dhe mund të zgjas me muaj ose më shumë. Teksa një pjesë e mirë e lojtarëve që e luajnë ketë lojë në mobile po presin për një përgjigje ose po kërkojnë mënyra të tjera për të luajtur ketë lojë, ata që preket më shumë janë pjesa e content creators ku një pjesë e madhe e tyre mbështeten në këtë lojë për të nxjerrë para për të jetuar.
Disa nga content creator të cilët mbështeten tek kjo lojë kanë folur me Dot Esports duke dhënë opinionet e tyre në lidhje me betejën midis Epic dhe Apple dhe ndikim që ka patur kjo në karrierën e tyre.
Kalimi në platforma të tjera
Me përdoruesit e Apple të cilët nuk do të mund të marrin update dhe të mos kenë veçoritë e fundit, numri i shikuesve do të ndryshoj dhe një pjesë e komunitetit do të largohet në kërkim të lojërave të tjera. ky është një problemeve më të mëdha që content creators e Fortnite mobile duhet të përballin. Shumica e content creators të Fortnite mobile luajnë në pajisjet Apple dhe një prej tyre është Sam “DuckyTheGamer” i cili ka mbi 900,000 subscribers në YouTube dhe 300,000 ndjekës në Twitch. “iPad Pro e fundit, modeli i 2018 dhe 2020 janë të optimizuar për të luajtur Fornite mobile në 120 FPS. Kjo është pajisja e vetme në botë e cila mund të arrijë këtë lloj performance në Fortnite mobile. Kjo është arsyeja kryesore pse shumica e content creators dhe lojtarëve më të mirë luajnë në iOs, për shkak të performancës.” shprehet DuckyTheGamer.
Për content creators si DuckyTheGamer, është e nevojshme që t’iu sjell shikuesve të tij gjëra të reja dhe kjo gjë mund të bëj që ai dhe shumë të tjerë të ndryshojnë platformë por kjo nuk është aspak e thjeshtë. DuckyTheGamer është partner me prodhuesin e smartphone OnePlus. Edhe pse këto pajisje marrin update nëpërmjet Epic Store, është tepër e vështirë kalimi nga një pajisje 11-inch në një pajisje tjetër e cila është më pak se 7-inch. Ky ndryshim në madhësinë e ekranit do të ulë shumë aftësitë e një lojtari si DuckyTheGamer. Lojtari nuk mund të rrezikoj me këtë pasi është aftësia e tij për të luajtur në një pajisje mobile arsyeja pse shumë njerëz e ndjekin atë.
Kjo gjë ka prekur edhe Drew “Surfnboy” Snedikar nga Misfits Gaming i cili ka mbi 100,000 subscribers në YouTube. Ai shprehet se mobile është tepër e lidhur me memorien e muskujve. Kalimi nga një pajisje e cila kap 120 FPS dhe që e ke përdorur për 2 vite në një pajisje me të gjitha opsionet ndryshe dhe me më pak FPS është tepër e vështirë sipas tij.
Ulja e numrit të shikuesve
Fatmirësisht deri diku për contet creator GrantTheGoat i cili ka afërsisht 1.8 milion subscribers në YouTube nuk do ta ketë të nevojshme ndryshimin e pajisjes pasi ai përdor një pajisje Android por një problem tjetër lind për të. Vetë GrantTheGoat është shprehur se një pjesë e ndjekësve të tij janë lojtarë të cilët vijnë nga Apple dhe pamundësia e tyre për të mos luajtur ketë lojë do të bëj që ata të largohen dhe audienca të bjerë shumë. Akoma nuk ka statistika publike se ku janë lojtarët mobile më të përqendruar por sipas një raporti Epic është shprehure se iOS është platforma e tyre më e madhe. Afërsisht 30% e lojtarëve përdorin iOS për të luajtur Fortnite.
Teksa beteja midis Epic dhe Apple vazhdon, të gjithë content creators janë përpjekur të përfitojnë nga shikueshmëria e madhe këto ditë. DuckyTheGamer është shprehur se e gjithë kjo shikueshmëri sepse njerëzit janë kurioz të shohin reagimin e tij personal në lidhje me vendimet e Epic dhe drejtimin e komunitetit mobile. E gjithë kjo shikueshmëri do të largohet pas disa javësh pasi ata të kalojnë në një lojë tjetër dhe të ndalojnë të shikojnë content creators e Fortnite mobile. Sipas disa të dhënave, përdoruesit aktiv ditor në iOS kanë rënë me 60%. Me ka shumë lojtarë të cilët nuk luajnë dot ketë lojë, shikueshmëria e Fortnite mobile do të ulet në mënyrë të ngadaltë.
Ulja e fitimeve
Content creators e Fornite mbështeten shumë tek programi “Support-A-Creator” i Epic i cili i ndihmon në fitimet e tyre. Sezoni i ri në Fortnite solli gjithashtu një battle pass të ri dhe zakonisht ditën e lançimit shumica e njerëzve e blejnë teksa ndihmojnë financiarisht një prej creators të tyre të preferuar. DuckyTheGamer tha se lojtarët të cilët nuk mundin të provojnë sezonin e ri ka ndikuar shumë në fitimet e tij. Teksa shikueshmëria po kap majat, fitimet e tij kohët e fundit po kapin rekorde tepër të ulëta. “E di që kjo do të më dëmtoj si mua por gjithashtu edhe të gjithë mobile creators e tjerë.” shprehet ai.
Mungesa e komunikimit nga Epic
Gjithashtu një pjesë e madhe e content creators janë shumë të zhgënjyer nga mënyra drastike që Epic mori vendimin dhe gjë e cila çoi në heqjen e Fortnite nga dyqanet mobile. “Ajo cfarë Epic zgjodhi të bëj ka impakt direkt në sigurimin e të ardhurave tona. Unë nuk jam i vetmi content creator i cili përdor Fortnite mobile si një mënyrë për të jetuar dhe fakti qe asnjë prej nesh nuk u kontaktua prej Epic rreth të ardhmes së lojës ose rreth situatës aktuale është tepër zhgënjyese.” Shprehet DuckyTheGamer. Surfnboy dhe GrantTheGamer shprehen gjithashtu se Epic mund ti kishte njoftuar ata përpara heqjes së Fortnite nga dyqani e pajisjeve online.
Epic e dinte që kjo gjë do të ndodhte pasi ata kishin përgatitur videon e cila u publikua menjëherë pasi Apple bëri ban lojën nga dyqani i saj. Matt “MobileMatt” Rutledge, drejtues i mobile gaming tek Complexity Gaming shprehet se ai nuk e sheh të domosdoshme. “ Epic Games është një kompani me shumë çmime të fituara, me pothuajse 30 vite eksperiencë dhe besoj se ky vendim nuk ka qënë i lehtë për ta. Lojtarët dhe content creators nuk janë gjithmonë të përfshirë në vendime të këtij niveli por unë bashkohet me të gjithë ata që kërkojnë një qartësim të gjendjes” thotë MobileMatt.
Planet për të ardhmen
Tashmë content creators do t’iu duhet të përshtaten me gjendjen teksa gjykata ka nxjerrë një vendim ku thuhet se Apple nuk është i detyruar të rikthej menjëherë Fortnite në App Store. Teksa shumë po mendojnë se çfarë do të bëjnë, DuckyTheGamer dhe GrantTheGoat janë duke eksperimentuar me diçka. DuckyTheGamer tha se ai do t’i mbaj shikuesit e tij të informuar mbi gjendjen midis Epic dhe Google/Apple dhe se do të filloj të përdor platforma të tjera si PC ose konsola. Ai akoma nuk ka vendosur se çfarë të bëj nëse kjo situatë do të zgjas për një periudhë më të gjatë kohore.
GrantTheGoat po planifikon të lëviz në PC. Ai u shpreh se ai ka filluar të luaj Fortnite në të dhe nuk është shumë keq në të. Edhe nëse content creator ia dalin të kalojnë nga një platformë në një platformë tjetër, ata nuk janë të sigurt nëse shikuesit e tyre do të vazhdojnë ti shohin. “Unë mendoj se një pjesë e komunitetit do të zhvendoset në një platformë tjetër. Është e ditur që një pjesë e madhe e tyre nuk do ta kenë të mundur pasi ata kanë vetëm pajisje Apple. “ shprehet GrantTheGoat.
Akoma ka shpresë për komunitetin e Fortnite Mobile. Epic ka dorëzuar një shkresë ku i kërkohet gjykatës të kthej në App Store përsëri lojën. Kjo do të ishte shumë mirë për content creator pasi ata do të mund të krijojnë material për fansat e tyre teksa gjyqi vazhdon.