Çfarë është Rust dhe pse njerëzit po e luajnë në Twitch

Për shumë njerëz, Rust mund të tingëllojë si një lojë e dëgjuar. Sado që mund të mos e keni luajtur lojën e Facepunch Studios, ajo ka disa vite që ka dalë.

Me early access të lojës që ka filluar në 2013, ky online multiplayer mikson elementë nga lojëra si Minecraft dhe DayZ. Sado që natyra open-world e lojës me kërcënime si arinj dhe ujqër bën punën e vetë, mund ta gjeni veten edhe në skenare PvP që përngjajnë me lojëra battle royale.

Pas lançimit zyrtar të lojës në 2018n, ajo nuk tërhoqi shumë vëmendje, por tani duket se më në fund i ka ardhur koha. Emra si Shroud dhe xQc janë duke e luajtur vazhdimisht. Por pse të gjithë janë duke luajtur Rust papritur?

Kjo mund të shpjegohet përmes mundit që bëri grupi Offline TV. Muajin e shkuar OTV filloi projektin e tij të fundit, duke krijuar një server për Rust dhe duke i dhënë akses një sërë streamerash. Sado që fokusi fillestar i serverit kishte qenë kryesisht në roleplaying, elementet e PvP gjithashtu kanë marrë vëmendje.

Që kur serveri u hap në 27 dhjetor, kategoria e Rust në Twitch ngjiti majat si loja e dytë më e parë në Twitch, pas emrave si Escape from Tarkov.

Mbi 27 milionë orët e para drejtohen nga xQc, Shroud, TSM’s Myth dhe OTV’s Sykkuno. Këta katër streamers bashkë kanë patur mbi 10 milionë orë të para Rust nga data 27 dhjetor deri në 4 janar.

LUFTA PËR ROLE

Sado që lojtarët si xQc kanë qenë të suksesshëm në campaigns të tyre në Rust, duket të ketë një përçarje mes lojtarëve që janë të interesuar të optimizojnë mbijetesën përmes përballjeve PcP dhe ata që preferojnë roleplay më shumë.

Shroud, që ka treguar aftësi të jashtëzakonshme mbijetese me PvP minimale, ka paralajmëruar një parashikim të zhdukjes së serverit, nga progresi i bërë nga grupi “Team Rocket” i xQc

“Ky server do të shpërthejë së shpejti, mund ta ndjej,” tha ai në stream. “Tani po parashikoj se xQc po bën një bazë, ata do të bashkohen dhe do fillojnë të ngatërrohen me njerëzit. Pasi kjo të ndodhë ose serveri ka për të vdekur, ose ai (xQc) do përzihet jashtë.”

Që nga ajo pikë Pokimane, një nga anëtaret më të njohura të OTV, tha se nuk do të luante më Rust, nëse nuk krijohet një server më i orientuar drejt roleplay. Pak momente pas kësaj, serveri u krijua.

Abe, një anëtar i OTV, tha se serveri origjinal do të mbetet i disponueshëm për ata që preferojnë të fokusohen më shumë në anën kompetitive dhe aspektet PvP të Rust.

Mbetet të shohim se çfarë do të nënkuptojë kjo ndarje serverash për lojën në pak ditë. Gjithsesi, shikueshmëria e vazhdueshme e Rust në Twitch me shumë gjasa do të ndikohet nga vendimet që marrin emrat më të shikuar, përsa i përket serverit ku do të luajnë. Serveri i ri do të vijë në 7 janar.