Atleti olimpik del në vendin e parë duke mbajtur një medalion të The Witcher

Duket se kudo po shikojmë postime rreth lojërave Olimpike të Tokios. Pas heqjes së kompozitorit origjinal për muzikën e lojërave, temat dhe meloditë e lojërave video u përdorën në ceremoninë e hapjes dhe tani, një olimpian ka fituar vendin e parën dërsa kishte veshur një medalion Witcher.

E pikasur nga Kotaku, Vitalina Batsarashkina, një konkurrente ruse në kategorinë e air pistol për 10 metra ka pasur një lojë mjaft të mirë olimpike. Dhe me goxha mirë, nënkuptojmë që ajo ka fituar vendin e parë. Një arritje e pabesueshme që u bë më e ëmbël nga fakti se ajo kishte fituar vendin e dytë në Rio 2016, kështu që më në fund ajo i arriti ëndrrat e saj. Batsarashkina nuk është vetëm një goditje e pabesueshme, megjithatë, ajo është gjithashtu një super-tifoze e Witcher.

Ndërsa atletja garonte, ajo mbante një medalion argjendi rreth qafës. Duhet vetëm pak hedhje sysh për të parë që është në fakt një medalion Witcher identik me atë që do të shihje të veshë Geralt e Rivia në The Witcher 3: Wild Hunt.

Sipas raportit origjinal, ajo ka një histori jo vetëm të përfaqësimit të Rusisë por edhe universit letrar të Andrzej Sapkowski. Atletja këtë herë ka veshur medalionin rreth qafës së saj, por në të kaluarën ajo kishte bashkangjitur një në pantallonat e saj dhe madje ajo ka syze për xhirime me ilustrime Witcher mbi to. Duket sikur ajo e do serialin dhe ne nuk mund ta fajësojmë atë.

Megjithëse mund të jetë ruse, Batsarashkina nuk përfaqësonte teknikisht Rusinë në këto lojëra. Vendi u përfshi në një skandal doping që do të thotë se midis vitit 2020 dhe 2022 nuk mund të hyjë në ngjarjet më të mëdha sportive ndërkombëtare në botë; Lojërat Olimpike, Paraolimpiadat dhe Kampionatet Botërore. Batsarashkina në vend të kësaj përfaqësoi ROC, Komitetin Olimpik Rus dhe fitoi vendin e parë.