Asmongold ka shpjeguar pse mendon se expansion-i i ardhshëm i World of Warcraft, Shadowlands mund të jetë më i miri nga të gjithë, mbi të gjitha kur vjen puna për të sjellë një frymë të re në MMORPG e Blizzard.
Me mirënjohjen e madhe që ka loja, mbi të gjitha në këtë pikë të jetëgjatësisë së saj, ku ka kaluar expansions si Lich King dhe Legion, duket sikur superimi i tyre është i pamunudr. Gjithsesi Asmongold beson se Blizzard është në rrugën e duhur. Ai u shpreh:
“Duket shumë më mirë se ç’dukej BFA në këtë stad dhe edhe më mirë se Legion. Sinqerisht, më mirë se Warlords of Draenor gjithashtu. Jam vërtet i emocionuar të shoh se çfarë do të bëjnë në vazhdimësinë e tyre.”
Sipas Asmongold, i cili foli gjerë e gjatë për eksperiencën e tij me Shadowlands alpha në një video të postuar në YouTube, arsyeja kryesore pse ai po ndjehet kaq optimist për këtë, është sepse duket sikur: “Blizzard po tenton të bëjë më mirë.”
“Çfarë ata janë duke bërë me Shadowlands më bën të ndjehem më i frymëzuar sinqerisht. Tani që kam luajtur alpha… jam shumë i ekzaltuar. Mund të jetë më e mira nga të gjitha, por Blizzard por merr hapa për ta përmirësuar lojën.”