Pas anulimit të TwitchCon 2020, Twitch publikon eventin virtual GlitchCon

Pasi shumica e eventeve gjatë 2020 janë anuluar, shtyrë ose realizuar në një formë tjetër, Twitch ka vendosur që TwitchCon 2020 ta sjellë ndryshe nga herët e tjera.

TwitchCon është një prej eventeve më popullor në botën e gaming pasi në ketë event do të keni mundësinë të shikoni dhe të takoni streamers të famshëm nga e gjithë bota të mbledhur në një vend. Por ngjarjet e fundit kanë bërë që TwitchCon të anulohet dhe të vijë në një formë komplet tjetër.

Kësaj here Twitch ka vendosur që ta anulojë TwitchCon dhe ka publikuar eventin online të cilin e kanë quajtur GlitchCon. Shumë prej ngjarjeve të cilat kishin lidhje jo vetëm me botë e gaming janë shtyrë online. Edhe pse mund t’iu duket normale pasi shumica e eventeve janë zhvilluar online, TwitchCon është një rast i veçantë pasi ndjekësit kanë mundësinë të takojnë streamer e tyre të preferuar.

Akoma nuk është bërë publike se çfarë do të ndodh ose do të vijë gjatë GlitchCon të realizuar nga Twitch. Me shumë mundësi sipas fansave, GlitchCon do të sjellë shumë artistë të ndryshëm, cosplayer dhe njerëz të ndryshëm.

Me udhëtimet tashmë të ndaluara, shumë fansa do të kishin të pamundur që të udhëtonin për të ndjekur nga afër TwitchCon, por duke e sjellë ketë event totalisht online Twitch iu lejon të gjithë njerëzve të ndjekin eventin pavarësisht vendodhjes së tyre.

Fatkeqësisht nuk do të keni mundësinë të takoni shumë pre streamers tuaj të preferuar si të mëdhenj si të vegjël por mos u shqetësoni. GlitchCon me shumë mundësi do të ketë shumë surpriza në të dhe na ngelet të presim datën 14 nëntor ku do të zbulohet gjithçka.