A do të kalojë Ninja në YouTube? Një test stream i fshirë ka ndezur spekulimet

Pas mbylljes së papritur të platformës së Mixer në mes të qershorit, fansat kanë qenë kuriozë për të ardhmen e disa prej streamerave më të mëdhenj që ajo mbante. Një test stream tashmë i fshirë në YouTube nga Tyler Ninja Blevins, mund të ketë konfirmuar planet që ai ka për të ardhmen.

Pas mbylljes së Mixer, thuajse të gjithë sytë vajtën te shroud dhe Ninja, të cilët kishin bërë më parë kalimin nga Twitch në platformë. Sado që të dy streamerat thanë se ishin ende duke menduar hapat e tyre të ardhshëm përsa i përket karrierave të tyre, disa fansa po parashikojnë se Ninja do të zgjedhë YouTube.

Fansat e kuptuan këtë nga një test i përllogaritur të mbajtur në kanalin e tij në 7 korrik. Gjithsesi, pasi një screenshot i këtij testi u bë virale online, ai menjëherë e fshiu stream-in, duke i lënë shikuesit në mbarë botën me spekulime edhe më të thelluara.

E gjithë kjo situatë nuk është se erdhi nga hici. Gruaja dhe menaxherja e Ninja, Jessica Blevins, postoi një tweet një natë më parë, duke thënë se do të vinte një farë lajmi ose njoftimi këtë javë. Ndoshta kjo ndodhi ishte pjesa e parë e këtij njoftimi.

Me Mixer që u mbyll dhe streamerat që janë duke ecur sa majtas djathtas nga Twitch, kalimi i Ninja në YouTube ekziston si mundësi. Gjithsesi, kini parasysh që kjo nuk është diçka e konfirmuar. Ninja ende nuk ka dhënë asnjë koment mbi situatën, ndaj për momentin sna mbetet gjë tjetër veçse të presim.