Me kaq shumë streamera sa kemi sot, është mëse e kuptueshme që incidente të ndryshme ndodhin përgjatë rrugës. Këtu do të shohim pesë streamera që janë grabitur gjatë livestream-eve të tyre.
NJË ÇIFTI I VJEDHIN PAISJET
Incidenti i parë është për një çift që ecën gjatë natës në rrugët e Cape Town, në Afrikën e Jugut. Vajsa mund të shikohet teksa rri në telefon, kur një burrë me xhaketë jeshile i afrohet dhe tenton t’ju marrë paisjet. Çifti e kundërshton, por ai sërish ja del të largohet me gjërat e tyre.
Gjithsesi, hajduti kapet më tej nga disa oficera të policisë. Streamerat i gjejnë ata më vonë dhe ja dalin t’i marrin paisjet e tyre mbrapsht. Në dallim me raste të tjera në këtë listë, ata kishin aq fat sa t’i merrnin gjërat mbrapsht.
SAJEDENE
Kjo histori është e frikshme, përtej fatkeqes. Mund të shohim streamer-en Sajedene duke luajtur Dota në ekran, kur papritur fillon të dëgjojë zhurma në shtëpinë e saj. Si duket, një hajdut ishte futur brenda dhe vjedh shumë gjëra, teksa e kërcënon atë me një armë.
NJË BURRI I VJEDHIN PAISJET
Streameri tjetër në këtë listë ishte duke ecur vetëm në një rrugë në Vietnam, kur një i huaj ju afrua për ta paralajmëruar atë për zonën. Si duket rruga kontrollohej nga mafia e asaj zone dhe ata i sulmonin shpesh të huajt për t’ju vjedhur gjërat.
Streameri nuk i dëgjoi fjalët dhe vazhdoi aventurën e tij, por së shpejti ju afrua një burrë dhe i mori paisjet. Mund ta shikoni këtë incident, plus të parin që përmendëm, në videon e mëposhtme:
NJË VAJZË STREAMER-E VË POSHTË NJË HAJDUT
Ky mund të jetë ndër rastet më të bukura të listës. Një vajzë po luan GTA në livestream, kur dëgjon xhamin që thyhet nga mbrapa saj. Ajo menjëherë çohet, shikon se hajduti ka hyrë në shtëpi dhe në vend që të frikësohet, vendos që ta hedhi atë përtokë.
Shikuesit mund ta dëgjojnë se çfarë po ndodh, teksa ajo vazhdon ta mbajë poshtë hajdutin, derisa vjen policia. Mund ta shikoni këtë në videon në fund të artikullit.
NJË BURRË VJEDH KAMERËN E STREAMER-IT DHE BËN STREAM VETEN
Këtu mund të shohim një streamer teksa del nga dyqani, kur papritur një burrë i shfaqet me të shpejtë nga mbrapa. Burri me një xhaketë të bardhë me portokalli i merr telefonin dhe ja fut vrapit.
Sigurisht që ai nuk kishte kohë që ta fikte livestream-in, gjë që i la shikuesit me një pamje filmike të hajdutit që vrapon.