Zbulohen detaje të reja rreth sezonit të dytë të The Promised Neverland

Nëpërmjet një postimi në Twitter janë zbuluar disa detaje të reja rreth anime The Promised Neverland

Sezoni i Halloween është koha më e mirë për të parë seriale ose filma horror dhe pse jo për të zbuluar detaje rreth sezonit të ri të anime The Promised Neverland. Kompozitori mbrapa kësaj serie anime ka festuar ketë sezon Halloween duke ndarë me fansat e anime disa detaje rreth sezonit të ri.

Sezoni i ri i The Promised Neverland ishte planifikuar të transmetohej gjatë sezonit të vjeshtës por për shkak të pandemisë së krijuar nga COVID-19, anime u shty për në muajin janar të vitit 2021. Deri më tani kjo anime ka ndarë shumë pak detaje me fansat se çfarë do të sjellë gjatë sezonit të ardhshëm duke bërë që kompozitori të zbulojë disa detaje rreth sezonit të ardhshëm.

Në një postim në Twitter, Takahiro Obata i cili është kompozitori i sezonit të dytë ka ndarë me fansat një video të shkurtër. Në ketë postim ai uron ndjekësit e tij për festën e Halloween dhe se gjithashtu ai do të ndajë një këngë të re e cila do të vijë në sezonin e dytë të The Promised Neverland. Shumë prej fansave kanë shprehur kuriozitetin e tyre se në cilën skenë do të shfaqet kjo këngë.

Gjithashtu fansat janë emocionuar nga kjo gjë dhe kanë shprehur padurimin e tyre për sezonin e ardhshëm të anime. Me anime të planifikuar për transmetim gjatë muajit janar të vitit 2021 duhet të presim një trailer së shpejti i cili do të tregojë më shumë rreth këtij sezoni dhe se do të na japë pamjet e para të anime.

Ndërkohë mos harroni t’i hidhni një sy anime të cilat ne iu sugjerojmë t’i ndiqni gjatë sezonit të vjeshtës.