Ylli i Dragon Ball konfirmon rikthimin tek Pokemon Journeys

Sean Schemmel rikthehet në Pokemon Journeys si Lampent

Duke përdorur zërin e tij për personazhin e njohur Goku nga seria e Dragon Ball, Sean Schemmel ka bërë emër në industrinë e anime. Por talenti i tij nuk është vetëm për ketë seri dhe ai vetë së fundmi ka pranuar se do të rikthehet në anime Pokemon Journeys si pocket monster Lampent. Edhe pse Lampent “nuk mund të bëhet Super Saiyan”, Schemmel është i aftë t’i jap zë kësaj krijese speciale e cila iu ka futur frikën fansave të Pokemon që prej shfaqjes së tij të parë në anime.

Lampent është një pocket monster unik në serinë e Pokemon dhe një ghost-type Pokemon për të cilin shumë besojnë se përcjell shpirtrat në botën tjetër. Me aftësinë për të dalluar personat të cilët do të vdesin së shpejti, Lampent shoqërohet me personat të cilëve po iu afrohet vdekja për t’iu vjedhur shpirtin përpara se ata të vdesin. Ky Pokemon është prezantuar në gjeneratën e pestë të serisë dhe Sean Schemmel ka përdorur zërin e tij për të frikësuar këdo që përballet me të.

Sean Schemmel konfirmoi se ai do të rikthehej nëpërmjet një përgjigjeje që i ka kthyer një fansi në Twitter duke treguar gjithashtu se ai do të rikthehej në episodin e ardhshëm të Pokemon Journeys i cili do të shfaqet në Netflix në fund të këtij muaji.

Rikthimi i Schemmel në rolin e Goku të serisë Dragon ball duhet të pres pasi akoma nuk ka një njoftim për një seri apo film të ri të Dragon Ball. Fansat e Dragon Ball mezi po e presin rikthimin e Goku pasi Moro Arc i manga nga Dragon Ball Super i ka dhënë atij disa fuqi të reja dhe akoma më shumë beteja dhe kundërshtarë të rinj.