Nëpërmjet abonimeve mujore, Crunchyroll sjell në platformën streaming një mal me anime. Dhe tashmë ato janë më lehtësisht të aksesushme falë uljes së çmimeve.
Platforma streaming Crunchyroll ka njoftuar së fundmi se do të ulë çmimet për të gjithë përdoruesit e saj në pothuajse 100 shtete. Nëpërmjet një njoftimi në website e Crunchyroll, platforma ka njoftuar uljen e tyre dhe gjithashtu çmimet e reja për çdo shtet.
Me ndryshimet e fundit ekonomike dhe çdo platformë tjetër streaming të cilat kanë rritur çmimet, mund të themi që ulja e çmimeve të Crunchyroll na ka befasuar goxha me këtë veprim.
Vitin e kaluar Crunchyroll u ble nga Sony për 1.2 miliardë dollarë dhe në mars të këtij viti, Sony bashkoi platformën e tij Funimation me Crunchyroll duke rritur numrin e anime që kjo platformë ka dhe sigurisht numrin e përdoruesve. Dhe kjo pritej me një rritje çmimesh por Crunchyroll na befason me krejt të kundërtën.