Është një ditë e madhe për fans-at e The World Ends With You; jo vetëm që Square Enix njoftoi se JRPG-ja klasike fighting-and-fashion 14-vjeçare do të ketë një vazhdim të shumëpritur vitin e ardhshëm, por është konfirmuar që adaptimi në anime do të dali më 9 Prill 2021, nëpërmjet disa trailer-ave.
Gjithashtu Square Enix do të transmetojë një stream të veçantë “UG Shibuya FES” të episodit të parë të anime-s më vonë këtë javë, më 14 Mars.
The World Ends With You: The Animation, bazohet në narrativën e lojës origjinale të Square në 2007 nga Nintendo DS, duke treguar historinë e protagonistit adoleshent Neku Sakuraba, ndërsa ai përfshihet padashur në një konkurs vdekjeprurës, të njohur si Reaper’s Game.
Neku zgjohet në mes të Scramble Crossing të zhurmshëm të Shibuya-s pa asnjë kujtesë se si arriti atje. Pa dijenin e tij ai është transportuar në një dimension alternativ të njohur si Underground (UG).
Ashtu si në DS-in original (tashmë në iOS, Android dhe Switch), Neku duhet të bashkohet me një vajzë të quajtur Shiki në mënyrë që të mbijetojë. Së bashku, ata kryejnë misione dhe mposhtin monstra të njohur si ‘Noise’, ndërkohë që gradualisht zbulojnë natyrën e vërtetë të kësaj loje të rrezikshme.