Tencent njofton shumë lojëra të reja anime

Besojmë se të gjithë fansat e anime do të dëshironin që të shikonin një nga anime e tyre të preferuar si një lojë. Dhe Tencent Games po e bën këtë gjë realitet sipas një informacioni të zbuluar së fundmi.

Sipas Daniel Ahmed, këto lojëra do të jenë të zhanreve të ndryshme dhe do të fillojnë me anime si One Piece dhe One Punch Man. Në një postim në Twitter ai zbuloi se tre lojëra të reja janë në zhvillim nga Tencent Games dhe e para është ajo e anime së One Piece e cila është quajtur momentalisht Project: Fighter. Dhe nga emri kuptojmë që do jetë një lojë e zhanrit fighting.

One Piece është një anime e famshme e cila ka deri më tani mbi 1000 kapituj manga dhe afërsisht 980 episode anime të cilat përditësohen çdo javë. Tencent ka marrë lejen e Bandai Namco për të krijuar një lojë të One Piece dhe të përfshijë sa më shumë karaktere origjinale nga anime.

Lojërat e tjera do të jenë nga One Punch Man dhe Digimon për të cilat akoma nuk kemi shumë informacione në këto momente. Është vërtet interesante të shohësh Tencent që po punon në shumë lojëra të ndryshme mobile ku ndër to janë edhe ato të bazuara në anime.