Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Që prej transmetimit të episodit të parë, anime e Spy x Family bëri për vete shumë shikues dhe një studim i kryer së fundmi ka vërtetuar se Spy x Family është anime më popullore e momentit.
Spy x Family tregon historinë e spiunit Twilight dhe misionit të tij më të fundit. Spiuni Twilight punon natë e ditë për të ruajtur paqen dhe për të penguar luftën me shtetin fqinj Ostania.
Dhe tashmë misioni i tij i fundit kërkon që ai të investigojë politikanin Donovan Desmond duke infiltruar shkollën e djalit të tij. Por për ta bërë këtë gjë, Twilight duhet të përballet me detyrën më të vështirë që ka patur ndonjëherë, të martohet, të ketë një fëmijë dhe të krijoj një familje.
Tashmë i maskuar me emrin Loid Forger, ai adapton vajzën 6-vjecare Anya për ta futur atë në shkollën e djalit të politikanit që duhet të investigojë. Rastësisht ai njihet me Yor Briar e cila dëshiron të impresionojë miqtë e saj duke u martuar me Loid Forger. Por Loid nuk njeh natyrën e fshehtë të gruas së tij të re. Yor punon gjithashtu edhe si assassin e njohur me emrin Thorn Princess.
Por diçka që ata të dy nuk e dinë është se Anya nuk është një vajzë e zakonshme. Ajo është një esper që i lejon asaj të lexojë mendjet e njerëzve që ka përreth. Pavarësisht se ajo njeh identitet e fshehtë të prindërve të saj, ajo vendos të mos e zbulojë dhe të përfshihet me punën e tyre duke e quajtur këtë gjë argëtuese.
Nën emrin e familjes “The Forgers”, spiuni, assassins dhe esper duhet të aktrojnë si familje teksa ata mbajnë edhe identitetin e tyre të fshehtë. Por kjo nuk do të shpëtojë pa situatat komike dhe gazmore që do të krijohen.
Një studim i kryer së fundmi nga Video Research Limited dhe GEM Partners kanë treguar se Spy x Family ka pothuajse më shumë se 7 milion shikues në Japoni duke e bërë TV Show-n e dytë më të ndjekur në vend.
Gjithashtu edhe manga e Spy X Family ka filluar të shesë një numër të lartë kopjesh duke thyer shumë shpejt goxha rekorde. Anime e Spy x Family do të ketë 25 episode dhe do të jetë e ndarë në dy pjesë, Part 1 që po transmetohet tani dhe Part 2 që do të transmetohet në vjeshtë.
Dhe nëse po pyesni veten nëse duhet të nisni apo jo, Spy x Family hyn tek lista e animeve të cilat duhet t’i ndiqni gjatë këtij sezoni pranvere 2022 dhe është një prej rekomandimeve tona kryesore.
