Shqipëria shfaqet në një manga japoneze

Shqipërinë e kemi parë pothuajse kudo dhe në shumë forma mediatike. Dhe tashmë Shqipëria është shfaqur në një manga goxha të famshme japoneze.

Manga për të cilën po flasim është Black Lagoon, një seri popullore në Japoni. Dhe një ndër kapitujt e fundit të kësaj manga ka shfaqur flamurin shqiptar me të. Por çfarë kuptimi ka patur flamuri shqiptar në këtë kapitull të Black Lagoon.

Kapitulli 91 tregon Rock me një nga “bashkëpunëtorët” e tij teksa po përpiqen të mbledhin informacione. Në këtë moment ata gjejnë informacione rreth SHIK(Shërbimi Informativ i Shtetit) dhe tregon lidhjen e tyre me policinë kineze të asaj kohe.

Për çfarë flet Black Lagoon?

Sa për kontekst, historia e Black Lagoon është e vendosur rreth viteve ’90 dhe tregon historinë e një grupi mercenar të njohur si Lagoon Company që operojnë në detet e Azisë juglindore. Ata merren me punë të ndryshme nga mafiat italiane, ruse, japoneze, kineze duke u ndeshur me vështirësi të ndryshme.

Momentalisht Black Lagoon ka publikuar rreth 110 kapituj manga dhe 2 sezone anime nga 12 episode secila të animuara nga Madhouse bashke me një OVA prej 5 episodesh.