Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një rregull absurd, shkollat japoneze i kanë ndaluar nxënëset femra që të mbajnë flokët bisht, nga frika se mund të “eksitojë seksualisht” studentët meshkuj. “Ata janë të shqetësuar se djemtë do t’i shikojnë vajzat, gjë që është e ngjashme me arsyetimin pas respektimit të një rregulli të ngjyrës së të brendshmeve vetëm të bardha, “tha ish-mësuesi i shkollës së mesme, Motoki Sugiyama për Vice World News.
“Gjithmonë i kam kritikuar këto rregulla, por për shkak se ka mungesë kritike dhe është normalizuar kaq shumë, studentët nuk kanë zgjidhje tjetër veçse t’i pranojnë ato. Sepse nëse prerja e tillë është në rregull, atëherë disa studentë mund të fillojnë të thonë se mohawk duhet të jetë në rregull, “shpjegoi ai. “Shumë shkolla i shpërfillin njoftimet kundër rregullave të tilla pasi ato nuk janë ligjërisht të detyrueshme ose kanë dënime,” shtoi ai.
Ndërsa nuk dihet se sa shkolla në të gjithë Japoninë vendosin ende një ban për këtë model flokësh, një sondazh i vitit 2020 sugjeron se rreth një në 10 shkolla në prefekturën jugore të Fukuoka e ndalon modelin e flokëve. Shkollat e Japonisë kanë rregulla strikte për ngjyrën e flokëve, aksesorët, make-up-in dhe uniformat, duke përfshirë të brendshmet dhe gjatësinë e fundeve dhe çorapeve.
Pothuajse gjysma e shkollave të mesme në Tokio u kërkojnë nxënësve me flokë me onde ose jo të zeza të nxjerrin certifikata që konfirmojnë se ato janë natyrale dhe jo të ndryshuara artificialisht, raportoi NHK. Nga 177 shkolla të mesme të drejtuara nga qeveria Metropolitane e Tokios, 79 kërkojnë që prindërit t’i japin këto certifikata.
