Anime zë një pjesë të mirë të industrisë televizive duke patur një popullaritet të madh. Kjo gjë ka bërë që një ndër shkollat më të famshme për anime të sjellë klasa online për çdo person që ka dëshirë të jetë pjesë e kësaj shkolle.
Ky ndryshim vjen nga Yoyogi Animation Academy, një prej shkollave më të mira për anime për pozicionet si regjisor, animator, artist dhe më shumë. Me pak fjalë, çdo gjë që ka lidhje me anime ose manga. E themeluar në vitin 1978, kjo shkollë ka vendosur që këtë vit të hap një program online për çdo person që dëshiron të jetë pjesë por që e ka të vështirë të jetë prezent fizikisht.
Çfarë përfshin programi online?
Sipas njoftimit të bërë së fundmi, shkolla ka prezantuar programin e Full Remote School. Kjo do t’i lejojë studentëve të kësaj shkolle të ndjekin mësime të veçanta online dhe çdo leksion do të ketë livestream direkte. Kjo do t’iu japë mundësinë studentëve të kenë mundësinë të komunikojnë më lehtë me instruktorët dhe anasjelltas. Gjithashtu do të keni mundësinë të kryeni intervista javore veçmas me instruktorët për të marrë feedback ose më shumë.
Ky program i quajtur Full Remote School do të ofrojë tre drejtime të ndryshme ku studentët kanë mundësinë që të fokusohen. Ju mund t’i bashkoheni departamentit të animacionit, departamentit të manga ose departamentit të NFT Illustration.
Në lajme të tjera që përfshijnë anime, ne kemi krijuar një listë me anime që duhet të shihni gjatë periudhës së verës.
Vera ka ardhur dhe kjo do të thotë që edhe një mal me anime të reja kanë ardhur gjithashtu. Por çfarë anime duhet të ndiqni gjatë këtij sezoni? Më poshtë do të gjeni një listë me anime që duhet të ndiqni gjatë verës së 2022.
Mësoni më shumë rreth anime që duhet të ndiqni këtë verë të 2022.