Sarada tregohet fantastike ne episodin e fundit të Boruto

Më në fund Boruto: Naruto Next Generations po i jep vëmendjen e duhur Sarada, vajza e Sasuke, nëpërmjet episodit të fundit të  kësaj serie.

Momentalisht seria po kalon në fazën e Otsutsuki të Kawaki arc dhe një betejë e re ka nisur midis Team 7 dhe një anëtari të organizatës Kara të quajtur Boro. Episodi i kaluar tregoi aftësitë e Boro të cilat i kishte fituar falë eksperimentimeve të avancuara në trupin e tij dhe teknikave helmuese.

Edhe pse në një pikë Boruto me miqtë e tij ishin drejt fundit, ata vendosin t’i besojnë Sarada e cila është kapitenia e re e Team 7. Teksa po luftonin kundër Boro, Sarada zbulon një pikë të dobët në trupin e Boro falë këshillave të Kawaki.

Me ketë informacion, ajo planifikon një plan me Boruto për të mundur Boro. Sarada përdor një version të veçantë të Chidori dhe e përdor kundër Boro për t’i dhënë një gjuajte fatale. Pas kësaj gjuajte, fansat kanë nisur të postojnë imazhe dhe video të ndryshme të kësaj skene duke vlerësuar Sarada dhe teknikën e saj të re.