Sailor Moon Eternal sjell detaje të reja mbi filmin

Dead Moon arc. do të vijë i adaptuar në 2 filma

Sailor Moon do të rikthehet përsëri dhe kësaj here me 2 filma anime. Në vend të një sezoni të katërt për Sailor Moon Crystal që është një remake i serisë anime origjinale Sailor Moon, do të vijnë këto 2 filma të cilët do të adaptojnë Dead Moon arc. nga seria e manga. Filmi i parë ishte planifikuar të vinte gjatë muajit shtator por për shkak të pandemisë filmi do të shtyhet për vitin tjetër.

Në një njoftim të bërë në Twitter, dimë që filmi do të transmetohet më 8 janar të vitit 2021 bashkë me filmin e dytë që do të vijë gjatë muajit shkurt. Në ketë postim do të gjeni edhe imazhe të cilat na japin disa të dhëna rreth investigimit të Usagi dhe shoqeve të saj rreth Dead Moon.

Kazuko Tadano, character designer e anime origjinale të Sailor Moon është rikthyer duke sjellë një  dizajn të ri për secilin nga personazhet e Sailor Moon. Nga imazhet ju direkt mund të ndjeni një ndjesi të anime origjinale edhe pse anime ka kaluar në një përmirësim që t’i përshtatet kualitetit të gjeneratës së re.